Vinnur United sinn fyrsta leik?

Radamel Falcao, Marcos Rojo, Daley Blind og Luke Shaw gætu allir spilað sinn fyrsta leik með Manchester United í ensku úrvalsdeildinni í knattspyrnu í dag þegar liðið tekur á móti QPR.

Manchester United er enn án sigurs í deildinni en liðið hefur tapað einum leik og gert tvö jafntefli. Og ef United tekst ekki að vinna sigur á QPR í dag verður það í fyrsta sinn frá árinu 1986 sem því tekst ekki að vinna neinn af fjórum fyrstu leikjum sínum í deildinni en í nóvember það ár var sjálfur Sir Alex Ferguson ráðinn knattspyrnustjóri félagsins.

QPR á ekki góðar minningar frá Old Trafford en því hefur aldrei tekist að vinna United í deildinni á þeim velli og hefur tapað 10 af 12 leikjum sínum gegn United á Old Trafford í úrvalsdeildinni.

Rio Ferdinand snýr aftur á Old Trafford en hann yfirgaf United í sumar eftir langa vist og gekk til liðs við Lundúnaliðið. Víst er að hann mun fá hlýjar móttökur frá stuðningsmönnum United.

Leikur Manchester United og QPR hefst klukkan 15.

• 1 blogg um fréttina

Bloggað um fréttina

• Rúnar Már Bragason: Já kominn tími til þess