Miðjumaðurinn Fabian Delph er genginn í raðir Manchester City en hann samdi við liðið í dag til fimm ára. Aðeins er rétt rúm vika síðan hann gaf út yfirlýsingu þess efnis að hann yrði áfram hjá Villa-liðinu en voru hins vegar bara orðin tóm.
Hann hefur leikið vel með Aston Villa frá árinu 2009 en frammistaða hans hefur skilað honum sæti í enska landsliðinu þar sem hann hefur leiki sex leiki.
Delph er 25 ára gamall og mun leika í treyju númer átján hjá City.
Fyrr í sumar hefur Manchester City keypt Raheem Sterling frá Liverpool og Enes Ünal frá Fenerbache.