Tottenham íhugar að reka Santo

Stjórnarmmenn enska knattspyrnufélagsins Tottenham Hotspur íhuga nú að leysa Portúgalann Nuno Espírito Santo undan störfum, aðeins fjórum mánuðum eftir að hann tók við sem knattspyrnustjóri félagsins.

Eftir slæmt 0:3 tap á heimavelli gegn Manchester United í ensku úrvalsdeildinni í gær, þar sem Tottenham átti ekki skot á markið í heimaleik í deildinni í fyrsta sinn í tæp átta ár, fundar stjórn félagsins nú um hvort eigi að gefa Santo meiri tíma eða reka hann tafarlaust.

Tottenham hefur tapað fimm af fyrstu tíu deildarleikjum sínum á tímabilinu, sem hefur ekki gerst síðan Svisslendingurinn Christian Gross stýrði liðinu tímabilið 1997/1998.

Þá á Tottenham í stökustu vandræðum með að skora mörk enda aðeins búið að skora níu slík í fyrstu tíu leikjunum, sem er þriðja minnsta markaskorun allra liða í deildinni á tímabilinu.

• 1 blogg um fréttina

Bloggað um fréttina

• Hjörvar O Jensson: Levi sjálfum að kenna !