Liverpool vann fjörugan leik á Villa Park

Liverpool fór upp í sjötta sæti ensku úrvalsdeildarinnar í fótbolta með 3:1-útisigri á Aston Villa í kvöld.

Liverpool byrjaði með látum, því Mohamed Salah skoraði fyrsta markið strax á 5. mínútu. Salah sá svo um að leggja upp annað markið fyrir Virgil van Dijk á 37. mínútu og var staðan í hálfleik 2:0.

Aston Villa byrjaði seinni hálfleikinn af krafti og minnkaði verðskuldað muninn á 59. mínútu er Ollie Watkins skallaði í netið úr teignum.

Liverpool átti hins vegar lokaorðið því Stefan Bajcetic, 18 ára Spánverji, skoraði þriðja mark liðsins á 81. mínútu, tveimur mínútum eftir að hann kom inn á sem varamaður í sinum öðrum leik í deildinni, og þar við sat.

Liverpool er komið með 25 stig í sjötta sæti deildarinnar en Aston Villa er í 12. sæti með 18 stig.

Aston Villa	1:3	Liverpool	Opna lýsingu Loka
90. mín. Leik lokið Liverpool tekur stigin þrjú eftir þennan skemmtilega leik á Villa Park.
Augnablik — sæki gögn...

• 1 blogg um fréttina

Bloggað um fréttina

• Jóhann Elíasson: ÉG VEIT EKKI BETUR EN AÐ LIVERPOOL HAFI UNNIÐ LEIKINN …