Fór ófögrum orðum um Erling Haaland

Roy Keane, fyrrverandi fyrirliði Manchester United, fór ófögrum orðum um norska knattspyrnumanninn Erling Haaland, framherja Manchester City. 

Haaland var lítið í boltanum er City og Arsenal gerðu markalaust jafntefli í ensku úrvalsdeildinni í dag. 

Liverpool er komið í toppsæti deildarinnar með 67 stig, Arsenal er í öðru með 65 stig og City er í þriðja með 63. 

„Hann spilar eiginlega eins og leikmaður í C-deild,“ sagði Roy Keane hjá SkySports eftir leik. 

„Fyrir framan markið er hann með þeim betri en gæði hans annars staðar eru svo lítil,“ bætti Keane við. 

• Blogga um frétt