Klopp: „Þurfum krísu hjá Arsenal og City“

Jürgen Klopp, knattspyrnustjóri Liverpool, viðurkennir að liðið þurfi að treysta á að Arsenal og Manchester City misstígi sig ætli það að eiga minnstu von um að standa uppi sem Englandsmeistari.

Liverpool tapaði fyrir nágrönnum sínum í Everton í fyrrakvöld, 2:0, og dró um leið umtalsvert úr líkum sínum á að vinna ensku úrvalsdeildina.

Frétt af mbl.is

Klopp baðst afsökunar og van Dijk skaut á liðsfélaga

„Ég veit ekki hvers vegna ég þarf að svara spurningunni en ég veit hvernig þetta virkar. Þið getið séð töfluna. Við þurfum krísu hjá Arsenal og City.

Við þurfum á því að halda að þau vinni ekki leiki eins og við gerðum ekki í kvöld. Arsenal og City verða að eiga slæm augnablik,“ sagði Klopp á fréttamannafundi eftir leikinn.

• Blogga um frétt