Erik ten Hag knattspyrnustjóri Manchester United var á blaðamannafundi spurður út í þann orðróm að Bruno Fernandes fyrirliði gæti yfirgefið félagið í sumar.
Ten Hag sat fyrir svörum vegna leik Manchester United gegn Newcastle annað kvöld á Old Trafford.
Fernandes hefur verið orðaður frá félaginu síðastliðna viku en ten Hag gaf lítið fyrir orðróminn.
„Ég var nú þegar búinn að svara því í síðustu viku. Hann er klárlega mjög mikilvægur hlekkur í okkar liði,“ sagði Hollendingurinn.