Manchester United endar með mínus í markatölu þrátt fyrir að hafa unnið sterkan útisigur á Brighton, 2:0, í ensku úrvalsdeildinni í knattspyrnu karla í dag.
United endar í áttunda sæti deildarinnar með 60 stig en mínus einn í markatölu. Liðið skoraði 57 mörk en fékk 58 á sig.
Brighton endar í 11. sæti með 48 stig.
Diogo Dalot og Rasmus Höjlund skoruðu mörk United í leiknum í dag en bæði komu í seinni hálfleik.