Kimi Räikkönen á Ferrari var í sérflokki á fyrri æfingu dagsins í Barein. Besti hringur hans var hálfri sekúndu betri en hjá liðsfélaga hans Felipe Massa og næstum sekúndu betri en hjá McLarenþórunum Lewis Hamilton og Fernando Alonso.

Räikkönen lét hálftíma líða áður en hann lagði út í brautina en var þó fyrstur toppmannanna til að keyra hring. Og strax á öðrum hring setti hann tíma sem ekki var betrumbættur. Massa ók ekki fljúgandi hring fyrr en eftir um klukkustund.

Hamilton og Alonso virtust eiga í vandræðum með rásfestu í brautinni alla æfinguna þótt þeir minnkuðu smám saman bilið í Ferraribílana. Alonso lenti utan brautar í tíundu beygju tvo hringi í röð og skrensaði aðeins út fyrir í elleftu beygju. Hamilton átti sömuleiðis tvisvar í vanda í lokabeygjunni.

Þeir voru þó ekki einu ökuþórarnir í basli í brautinni sem var öll mjög óhrein eftir storm sl. nótt. Meðal manna sem flugu út úr brautinni eða snarsnerust í henni voru Heikki Kovalainen á Renault, Alex Wurz á Williams, Massa, Scott Speed á Toro Rosso, Giancarlo Fisichella á Renault og Christijan Albers á Spyker.

Æfingin var óskemmtileg fyrir Red Bull, aðeins bílar Spykerliðsins voru hægari, en niðurstaða hennar varð sem hér segir:

Tengdar fréttir

Formúla-1/mótsfréttir

Ocon vann jómfrúrsigur

• Hamilton vann á heimavelli
• Dekkin héldu og Max vann
• Verstappen á ráspól
• Toppaði báðar æfingarnar

» Fleiri tengdar fréttir

• 1 blogg um fréttina

Bloggað um fréttina

• Hafsteinn Viðar Ásgeirsson: Góður ökumaður...