Lewis Hamilton hjá McLaren setti besta tíma fyrstu æfingarinnar í Barcelona sem er nýlokið. Næst fljótast ók liðsfélagi hans Fernando Alonso. Voru silfurörvar McLaren fetinu framar Ferraribílunum æfinguna út í gegn.

Kimi Räikkönen á Ferrari setti þriðja besta tímann og munaði að lokum litlu á þeim Alonso, eða 23 þúsundustu úr sekúndu. Alonso ók hraðast í morgun á fyrsta tímakafla brautarinnar en Hamilton á hinum tveimur.

Hamilton tók forystuna eftir 60 mínútur af 90 og lét hana ekki af hendi eftir það. Prófaði hann mýkri dekkjategundina sem í boði er undir lokin og bætti sig þá um nær fjögur sekúndubrot.

Robert Kubica hjá BMW endaði með fjórða besta tímann, sæti framar en Felipe Massa á Ferrari sem var aldrei meðal bestu tíma. Anthony Davidson á Super Aguri lét til sín taka sem stundum áður á æfingum og átti sjötta besta tímann, skaust upp úr miðjum hópi á lokamínútunum.

Jenson Button á Hondu setti tíunda besta tímann sem er með hans besta á æfingum í ár. Renaultþórarnir voru lengst af meðal 10 bestu en sigu niður í það 14. og 15. á lokamínútunum.

Niðurstaða æfingarinnar varð annars sem hér segir:

Tengdar fréttir

Formúla-1/mótsfréttir

Ocon vann jómfrúrsigur

• Hamilton vann á heimavelli
• Dekkin héldu og Max vann
• Verstappen á ráspól
• Toppaði báðar æfingarnar

» Fleiri tengdar fréttir

• 1 blogg um fréttina

Bloggað um fréttina

• Sigfús Sigurþórsson.: Munaði 23 þúsundustu úr sekúndu.