Fernando Alonso ók langhraðast á fyrstu æfingu keppnishelgarinnar í Indianapolis sem er nýlokið. Var hálfri sekúndu fljótar með hringinn en Nick Heidfeld á BMW sem komst upp á milli McLarenmannanna, því Lewis Hamilton setti þriðja besta tímann.

Athygli vakti Sebastian Vettel, hinn 19 ára gamli Þjóðverji sem hljóp í skarð Robert Kubica hjá BMW, en hann setti fjórða besta tímann, var aðeins tveimur brotum lengur með hringinn en Hamilton.

Fimmta besta tímann setti Kimi Räikkönen á Ferrari, síðan komu Nico Rosberg á Williams, Felipe Massa á Ferrari, David Coulthard á Red Bull, Jenson Button á Honda og tíunda besta tímann setti Mark Webber á Red Bull.

Alonso var á toppi lista yfir hröðustu hringi nær alla æfinguna, eftir að toppmennirnir hófu á annað borð akstur. Hamilton þótti einu sinni kominn hættulega nærri öryggisveg á útleið úr hallandi beygjunni fyrir lokakaflann að marklínunni.

Er þetta í fyrsta sinn sem hann ekur í Indianapolis og þurfti því að prófa hvað bjóða mætti bílnum í brautinni.

Ferraribílana skorti nokkuð á að hafa við silfurörvum McLaren; Räikkönen var sekúndu lengur með hringinn en Alonso og Massa 11 brotum, en þeir settu fimmta og sjötta besta tíma æfingarinnar. Upp á milli þeirra komst Nico Rosberg á Williams.

Niðurstaða æfingarinnar varð annars sem hér segir:

Röð	Ökuþór	Bill	Tími	Bil	Hri.
1.	Alonso	McLaren	1:11.925		16
2.	Heidfeld	BMW	1:12.391	+0.466	24
3.	Hamilton	McLaren	1:12.628	+0.703	21
4.	Vettel	BMW	1:12.869	+0.944	33
5.	Räiikkönen	Ferrari	1:12.966	+1.041	21
6.	Rosberg	Williams	1:13.020	+1.095	24
7.	Massa	Ferrari	1:13.040	+1.115	22
8.	Coulthard	Red Bull	1:13.159	+1.234	22
9.	Button	Honda	1:13.597	+1.672	23
10.	Webber	Red Bull	1:13.682	+1.757	26
11.	Trulli	Toyota	1:13.777	+1.852	32
12.	Nakajima	Williams	1:13.786	+1.861	27
13.	R.Schumacher	Toyota	1:13.819	+1.894	27
14.	Liuzzi	Toro Rosso	1:13.907	+1.982	28
15.	Speed	Toro Rosso	1:13.990	+2.065	24
16.	Fisichella	Renault	1:14.000	+2.075	19
17.	Sato	Super Aguri	1:14.037	+2.112	20
18.	Barrichello	Honda	1:14.052	+2.127	23
19.	Kovalainen	Renault	1:14.189	+2.264	18
20.	Davidson	Super Aguri	1:14.632	+2.707	10
21.	Albers	Spyker	1:14.636	+2.711	28
22.	Sutil	Spyker	1:14.810	+2.885	27