Miðað við brautartíma má segja að Kimi Räikkönen hjá Ferrari hafi verið í sérflokki á seinni æfingu dagsins í Silverstone. Næsthraðast ók félagi hans Felipe Massa og þriðja besta tímann setti Ralf Schumacher hjá Toyota.

Og það var góð ferð á Toyotabílunum í dag því Jarno Trulli setti fimmta besta tímann. Milli þeirra Ralfs varð Lewis Hamilton á McLaren og sjötti varð liðsfélagi hans Fernando Alonso.

Ferrariþórarnir náðu sínum bestu tímum á fyrsta þriðjungi æfingarinnar en síðan rigndi í hluta brautarinnar. Eftir það gátu McLarenmenn aldrei nálgast tíma þeirra er þeir komu út úr bílskúr sínum á síðasta þriðjungi æfingarinnar.

Williamsþórarnir Nico Rosberg og Alex Wurz ítrekuðu góðan styrk frá fyrri æfingunni með sjöunda og áttunda besta tímanum. Christian Klien tó kí fyrsta sinn í æfingum á formúlumóti frá því hann missti sæti sitt hjá Red Bull í september sl. Hljóp hann í skarðið hjá Honda fyrir Jenson Button sem meiddist í baki á fyrri æfingunni svo hann varð að sleppa þeirri seinni.

Einn ökuþór laskaði bíl sinn lítillega á seinni æfingunni, Adrian Sutil hjá Spyker sem snarsnerist út úr Copse-beygjunni og nuddaði bílnum í öryggisvegg utanvert við brautina.

Niðurstaða æfingarinnar varð annars sem hér segir:

Räikkönen á leið út í brautina í Silverstone eftir að hafa æft þjónustustopp. ap

Tengdar fréttir

Formúla-1/mótsfréttir

Ocon vann jómfrúrsigur

• Hamilton vann á heimavelli
• Dekkin héldu og Max vann
• Verstappen á ráspól
• Toppaði báðar æfingarnar

» Fleiri tengdar fréttir

• 1 blogg um fréttina

Bloggað um fréttina

• Heimir og Halldór Jónssynir: Ferrari menn fljótir