Eft­ir­lits­menn með formúlu 1 kapp­akstr­in­um í Bras­il­íu í dag hófu í kvöld rann­sókn á bens­ín­sýn­um, sem tek­in voru úr keppn­is­bíl­un­um. Hafa full­trú­ar liða BMW Sauber og Williams verið kallaðir á fund til að ræða mál, sem komið hafa upp við hefðbundna skoðun eft­ir að kapp­akstr­in­um lauk.

Vanga­velt­ur eru um að hiti á bens­íni, sem liðin tvö notuðu, hafi ekki verið í sam­ræmi við regl­ur keppn­inn­ar. Reyn­ist svo vera kann ökuþórum liðanna, sem enduðu í 4., 5. og 6. sæti, að vera vísað úr keppni. Það myndi þýða að Lew­is Hamilt­on, sem endaði í 7. sæti, færðist upp í það fjórða og jafn­framt að hann hreppti heims­meist­ara­titil­inn en ekki Finn­inn Kimi Räikkön­en, sem sigraði í dag.

Nico Ros­berg, ökuþór Williams, endaði í 4. sæti, og þeir Robert Ku­bica og Nick Heidfeld, ökuþórar BMW Sauber, í 5. og 6. sæti. Verði þeir all­ir dæmd­ir úr leik fer Hamilt­on upp í 4. sæti, fær 5 stig fyr­ir og end­ar með 113 stig, þrem­ur stig­um meira en Räikkön­en.

Tengd­ar frétt­ir

Formúla-1/​móts­frétt­ir

Ocon vann jóm­frúr­sig­ur

• Hamilt­on vann á heima­velli
• Dekk­in héldu og Max vann
• Verstapp­en á rá­spól
• Toppaði báðar æf­ing­arn­ar

» Fleiri tengd­ar frétt­ir

• 9 blogg um frétt­ina

Bloggað um frétt­ina

• Birg­ir Þór Braga­son: Er mögu­leiki á að þetta eigi sér eðli­leg­ar skýr­ing­ar?
• Haf­steinn Viðar Ásgeirs­son: Hann Hamilt­on.
• Hauk­ur Bauk­ur: Á að drepa mann??
• Gísli Foster Hjart­ar­son: Hið sanna í mál­inu!
• Magnús Geir Guðmunds­son: Punkt­ur­inn yfir (rugl) i-ð!?
• Ingólf­ur: Of gott til þess að vera satt
• Stefán Friðrik Stef­áns­son: Mun Lew­is Hamilt­on kom­ast í sögu­bæk­urn­ar?
• Rún­ar Hauk­ur Ingimars­son: Enn er von
• G. Tóm­as Gunn­ars­son: Úrslit­in standa. Kimi er kóng­ur­inn