Schumacher óstöðvandi

Ekk­ert hæg­ist á Michael Schumacher þótt hætt­ur sé al­vöru kapp­akstri því í gær fór hann með sig­ur af hólmi í góðgerðarkeppni á kört­um í Bras­il­íu. Þar atti hann kappi við rúma tvo tugi at­vinnu­manna í kapp­akstri.

Keppn­in fór fram í Florianopol­is í Bras­il­íu og var kennd við Felipe Massa, ökuþór Ferr­ari. Schumacher hóf fyrri kapp­akst­ur­inn í fjórða sæti og var orðinn fyrst­ur eft­ir tvo hringi. For­yst­una lét hann ekki af hendi og sigraði.

Það þýddi að hann varð að hefja seinni kapp­akst­ur­inn í átt­unda sæti, þ.e. keppt var með sama fyr­ir­komu­lagi og í GP2-mót­un­um. Átta fyrstu menn í fyrra mót­inu hófu því seinni keppn­ina í öf­ugri röð, þ.e. átt­undi maður fremst­ur, sjö­undi í öðru sæti o.s.frv.

Þetta virt­ist ekki vinna gegn Schumacher því brátt var hann kom­inn í þriðja sæti og átti í rimmu við Thiago Cami­lo er kart­an missti afl og varð bremsu­laus. Varð hann að gefa eft­ir og ein­beita sér að því að ljúka. Við þetta féll hann niður í sjötta sæti.

Þrátt fyr­ir það dugði sig­ur í fyrri kapp­akstr­in­um og sjötta sæti í þeim seinni til sig­urs í sam­an­lagðri keppn­inni. Hlaut hann tveim­ur stig­um fleira en Luciano Burti, fyrr­ver­andi ökuþór Jag­ú­ar í formúlu-1, og þriðji varð Lucas di Grassi, tveim­ur stig­um þar á eft­ir.

Massa fór með sig­ur af hólmi í mót­inu fyr­ir ári en varð aðeins fimmti nú. Sagðist engu að síður ánægður með dag­inn, enda styrk­leiki keppn­inn­ar mun meiri en í fyrra.

Schumacher sagðist myndu glaður mæta að ári. Massa tók hann á orðinu og bauð hon­um sam­stund­is til móts­ins 2008. Heims­meist­ar­inn fyrr­ver­andi var jafn snar að þiggja boðið og sagðist myndu verja titil sinn frá í gær.

Niðurstaða keppn­anna tveggja og stig­astaðan varð sem hér seg­ir:

Keppni 1:

• 2 blogg um frétt­ina

Bloggað um frétt­ina

• Hall­grím­ur Guðmunds­son: Schumacher óstöðvandi.
• Birg­ir Þór Braga­son: Skrít­in úr­slit