Ástralir vilja ekki kvöldmót
Setja bókamerki
Framkvæmdaraðilar ástralska kappakstursins segjast ekki reiðubúnir til að halda keppnina að kvöldi til eins og alráðurinn Bernie Ecclestone vill. Gildir einu, segja þeir, þótt það kunni að leiða til þess að þeir verði af mótinu.
Ecclestone sagði um helgina að framtíð kappakstursins í Melbourne væri í hættu ef hann færi ekki fram á hentugum útsendingartíma fyrir evrópskar sjónvarpsstöðvar.
„Eigi mótshald að halda áfram í Melbourne verður kappaksturinn að fara fram að kvöldi til. Það er eini kosturinn,“ sagði hann við ástralska blaðið Sunday Telegraph.
„Við viljum ekki verða af mótinu, en við kostum ekki heldur hverju sem er til að halda í það. Þetta tvennt togast á,“ sagði Tim Holding, ferðamálaráðherra Ástralíu við blaðið The Age.
Keppt hefur verið í formúlu-1 í Ástralíu undanfarin 23 ár. Núverandi samningur um mótshald í Melbourne rennur út árið 2010.
Unnið að hraunkælingu allan sólarhringinn
Auka aðgengi að Grindavík
Vonir bundnar við morgundaginn
Létu lofthræðsluna ekki á sig fá
Börnin eiga að ýta við foreldrum sínum
Fundur hafinn hjá kennurum, ríki og sveitarfélögum
Fæðuöryggi: „Áttum mat í þrjár vikur“
Sendi nektarmyndir af dreng sem hann passaði