Íþróttir | Formúla 1 | mbl | 18.2.2008 | 23:07 | Uppfært 21.2.2008 10:36

Kristján Einar ráðinn til bresks formúluliðs

Mynd 1 af 11 Það var stemmning í Taupo og umgjörðin eins og á formúlumótum. Þesssi fríði flokkur ber skilti keppenda í A1GP-röðinni.

Mynd 2 af 11 Frá kappakstri í A1GP-röðinni sem fram fór samhliða Toyotaformúlunni í Taupo.

Mynd 3 af 11 Kristján Einar á rásmarki og klár í keppni. Þakkar aðstoðarmönnum áður en lokaslagurinn hefst.

Mynd 4 af 11 Kristján Einar út úr beygju með tvo bíla rétt á undan sér.

Mynd 5 af 11 Kristján Einar með tvo ökuþóra rétt á eftir sér í hörðum slag í Taupo.

Mynd 6 af 11 Kristján Einar sækir hart og fer á hliðarskriði gegnum beygju í Taupo.

Mynd 7 af 11 Kristján Einar gefur hvergi eftir í kappakstrinum í Taupo. Hér fer hann á undan hóp bíla og verst sókn þeirra.

Mynd 8 af 11 Kristján Einar í kappakstrinum í Taupo. Þar hefur hann staðið sig vel og er hér með þrjá bíla skammt á eftir sér.

Mynd 9 af 11 Kristján Einar í návígi í Taupo.

Mynd 10 af 11 Kristján Einar í keppninni í Taupo. Í baksýn eru mannmörg áhorfendastæði.

Mynd 11 af 11 Kristján Einar í keppninni í Taupo. Í baksýn eru þéttsetin áhorfendastæði.

Kristján Einar með aðstoðarmönnum hjá Carlin í Pembrey í Wales.

Kristján Einar Kristjánsson, Íslandsmeistari í körtuakstri, keppir í ár í bresku formúlu-3 mótunum. Um ráðningu hans til Carlin Motorsport liðsins breska verður tilkynnt formlega á morgun, þriðjudag, samkvæmt heimildum formúluvefjar mbl.is.

Kristján Einar keppti í Toyotaformúlu í Nýja Sjálandi í janúar sl. og var það liður í undirbúningi hans fyrir formúlu-3. Dugði frammistaða hans þar til að sannfæra forsvarsmenn Carlin um að ráða hann. Kristján tekur á morgun þátt í fyrstu formlegu æfingu formúlunnar sem fram fer í Pembrey-brautinni í Wales.

Breska formúla-3 skiptist í tvo flokka, alþjóðaflokk og landsflokk, sem keppa saman. Talið var að síðarnefndi flokkurinn væri betri áskorun og besta mótaröðin fyrir Kristján Einar að byrja í.

Þess má geta að Viktor Þór Jensen keppti í þessum sama flokki í fyrra með liðinu Alan Docking. Hann vann eitt mótanna og áformar að keppa í alþjóðaflokknum í ár. Þeir Kristján Einar eiga því væntanlega eftir að mætast oft á kappakstursbrautinni í ár.

Heimasíða Carlin-liðsins