Felipe Massa hjá Ferr­ari var í þessu að vinna rá­spól Malasíukapp­akst­urs­ins í Sepang. Liðsfé­lagi hans Kimi Räikkön­en varð ann­ar og því við hlið hans á fremstu rás­röð á morg­un. Á þeirri næstu verða Heikki Kovalain­en og Lew­is Hamilt­on hjá McLar­en. 

Ferr­ariþór­arn­ir drottnuðu í tíma­tök­un­um og var eig­in­lega aldrei ógnað. Er þetta í fyrsta sinn í sjö ár sem Ferr­ari­bíl­arn­ir hefja keppni af fremstu rás­röð í Malas­íu, það gerðu Michael Schumacher og Ru­bens Barrichello árið 2001.

Massa var hálfri sek­úndu fljót­ari með hring­inn en Räikkön­en sem bend­ir til þess að þeir séu á ólíkri keppnisáætl­un og bíll þess fyrr­nefnda eitt­hvað létt­ari að bens­íni.

Räikkön­en var svo tæp­um fjór­um tí­undu úr sek­úndu fljót­ari með hring­inn en landi hans Kovalain­en. Rétt tæpri sek­úndu mun­ar svo á Massa og Hamilt­on, sem er óvenju mikið í tíma­tök­um. Óku Ferr­ari­menn á mýkri dekkj­un­um í tíma­tök­un­um en McLar­enþór­arn­ir byrjuðu á þeirri harðari og kláruðu á þeirri mýkri, sem reynd­ust hraðskreiðari.

Röðin í sæt­un­um fyr­ir aft­an öku­menn Ferr­ari og McLar­en breytt­ist mjög í lokalot­unni en á end­an­um hreppti Jarno Trulli á Toyota fimmta sætið eft­ir  mikla keppni við BMW-þór­ana Robert Ku­bica og Nick Heidfeld og Mark Webber hjá Red Bull.

Trulli var öfl­ug­ur alla tíma­tök­una og átti besta tím­ann í fyrstu um­ferð svo aðstæður í Sepang henta Toyot­unni vel. Varð hann einu sæti fram­ar en í síðasta móti, í Mel­bour­ne.

Räikkön­en gaf hins veg­ar tón­inn í ann­arri lotu og setti þá hraðpasta hring dags­ins. Massa ók næst­hraðast og gáfu þeir fé­lag­arn­ir tón­inn varðandi lokalot­una.  

Fern­ando Alon­so hjá Renault blandaði sér ekki í þá keppni. Hann var seinn af stað í síðasta hraða hring­inn, á mýkri dekkj­um, og mikið af bíl­um á hægri ferð sem hann þurfti að sneiða hjá. Ní­unda sætið er engu að síður tals­verð fram­för frá í fyrsta móti, í Mel­bour­ne síðasta sunnu­dag.

Röð	Ökuþór	Bíll	Lota 1	Lota 2	Lota 3	Hri.
1.	Massa	Ferr­ari	1:35.347	1:34.412	1:35.748	17
2.	Räikkön­en	Ferr­ari	1:35.645	1:34.188	1:36.230	13
3.	Kovalain­en	McLar­en	1:35.227	1:34.759	1:36.613	12
4.	Hamilt­on	McLar­en	1:35.393	1:34.627	1:36.709	18
5.	Trulli	Toyota	1:35.205	1:34.825	1:36.711	18
6.	Ku­bica	BMW	1:35.794	1:34.811	1:36.727	13
7.	Heidfeld	BMW	1:35.729	1:34.648	1:36.753	13
8.	Webber	Red Bull	1:35.440	1:34.967	1:37.009	18
9.	Alon­so	Re­anult	1:35.983	1:35.140	1:38.450	18
10.	Glock	Toyota	1:35.891	1:35.000	1:39.656	20
11.	Butt­on	Honda	1:35.847	1:35.208		15
12.	Coutl­h­ard	Red Bull	1:36.058	1:35.408		12
13.	Piqu­et	Renault	1:36.074	1:35.562		12
14.	Barrichello	Honda	1:36.198	1:35.622		15
15.	Vettel	Toro Rosso	1:36.111	1:35.648		15
16.	Ros­berg	Williams	1:35.843	1:35.670		13
17.	Fisichella	Force India	1:36.240			9
18.	Nakajima	Williams	1:36.388			9
19.	Bour­da­is	Toro Rosso	1:36.677			8
20.	Sato	Super Ag­uri	1:37.087			9
21.	Su­til	Force India	1:37.101			10
22.	Dav­idson	Super Ag­uri	1:37.481			9