Hamilton kúvendir
Setja bókamerki
Lewis Hamilton hjá McLaren talaði í tvær áttir eftir tímatökurnar í Istanbúl. Sagðist á blaðamannafundi eftir þær hafa verið með röng dekk undir bílnum og mistökin hefðu kostað hann ráspól.
Hamilton kaus harðari dekkin í lokalotunni og mátti ekki við liðsfélaga sínum Heikki Kovalainen sem valdi mýkri gerðina og komst á fremstu rásröð í fyrsta sinn á ferlinum, við hlið Felipe Massa hjá Ferrari sem vann ráspólinn.
Hamilton fór ekki dult með svekkelsi sitt á blaðamannafundinum. Við nýjan tón kvað hins vegar stuttu seinna eftir fund hjá McLaren. Þá sagðist hann hafa verið með réttu dekkin.
„Ég held við völdum rétt og þau [hörðu] voru bestu dekkin þótt ég héldi annað í akstrinum. Ég var að skoða tölvugögnin og þetta var rétt ákvörðun. Vélfræðingurinn minn sagði mig hafa valið rétt,“ sagði í tilkynningu frá McLaren um tímatökurnar.
„Það var ekki dæmt löglegt að mismuna börnum“
Fimm á sjúkrahús og 62 handteknir í Amsterdam
Ekkert ferðaveður á Vestfjörðum og á Norðurlandi
„Áhugavert að sjá skjálfta þarna“
Konur og börn „næstum 70%“ látinna á Gasa
Óvíst um lögfestingu kílómetragjaldsins
Fordæma árásir á ísraelska áhangendur