Íþróttir | Formúla 1 | mbl | 18.5.2008 | 15:19 | Uppfært 19.5.2008 7:25

Kristján Einar varð þriðji í Monza

Mynd 1 af 34 Hafurstask liðanna er mikið og þarf hvert þeirra marga flutningabíla til að flytja það.

Mynd 2 af 34 Kristján Einar yfirvegaður að tjaldabaki í Monza.

Mynd 3 af 34 Kristján Einar skoðar brautina ásamt aðstoðarmönnum hjá Carlin.

Mynd 4 af 34 Kristján Einar skoðar brautina í Monza ásamt aðstoðarmönnum hjá Carlin.

Mynd 5 af 34 Kristján Einar með aðstoðarmönnum sínum hjá Carlin að aksturslotu lokinni.

Mynd 6 af 34 Aðstoðarmaður Kristjáns Einars gerir dekkin klár í byrjun dags í Monza . . .

Mynd 7 af 34 . . . og þvær þau og þrífur að loknum akstri.

Mynd 8 af 34 Að ýmsu þarf að dytta milli æfinga og keppni.

Mynd 9 af 34 Að tjaldabaki í Monza, flutningabílar keppnisliðanna við bílskúrana.

Mynd 10 af 34 Úðastrókur stendur aftur úr bíl Kristjáns Einars í Monza.

Mynd 11 af 34 Kristján Einar kemur hreinlega út úr hlykkbeygju í Monza.

Mynd 12 af 34 Kristján Einar (aftar) glímir í Monza við Jay Bridges sem ók til sigurs í landsflokknum.

Mynd 13 af 34 Vætusamt var í Monza um helgina en samt ekki um annað að ræða en æfa og keppa.

Mynd 14 af 34 Kristján Einar á ferð í Monza.

Mynd 15 af 34 Kristján Einar á ferð í Monza.

Mynd 16 af 34 Viktor Þór kemur út úr fyrsta beygjuhlekknum.

Mynd 17 af 34 Þegar vatn er á brautum má ekkert útaf bregða við stjórn bílsins.

Mynd 18 af 34 Kristján Einar á ferð í bleytunni í Mona.

Mynd 19 af 34 Viktor Þór verst sókn keppinauta í bleytunni í Monza.

Mynd 20 af 34 Kristján Einar í kröppum dansi við keppinaut í bleytunni í Mona.

Mynd 21 af 34 Viktor Þór á ferð í Monza.

Mynd 22 af 34 Nákvæmni þarf í akstri til að halda bíl á línunni í vætu. Viktor Þór á ferð í Monza.

Mynd 23 af 34 Viktor Þór á leið gegnum fyrsta byejuhlekk brautarinnar í Monza.

Mynd 24 af 34 Viktor Þór í fyrri kappakstrinum í Monza.

Mynd 25 af 34 Úðastrókur stendur aftur úr bíl Viktors Þórs í Monza.

Mynd 26 af 34 Gripið eykst þegar aksturslínan þornar. Viktor Þór á leið út úr beygju með keppinaut á hælum sér.

Mynd 27 af 34 Viktor Þór í rimmu í Monza.

Mynd 28 af 34 Kristján Einar á ferð í hinni sögufrægu braut, Monza.

Mynd 29 af 34 Viktor Þór á bíl númer 5 í skottinu á keppinautum í fyrsta beygjuhlekk brautarinnar.

Mynd 30 af 34 Kristján Einar gengur út á verðlaunapallinn í Monza.

Mynd 31 af 34 Kristján Einar (l.t.h.) á verðlaunapallinum í Monza og yfir gnæfir íslenski fáninn ásamt þeim breska.

Mynd 32 af 34 Kristján Einar (l.t.h.) á verðlaunapallinum í Monza ásamt sigurvegaranum Jay Bridges og Hywel Lloyd (l.t.v.).

Mynd 33 af 34 Kristján Einar úðar kampavíni yfir aðstoðarmenn sína af verðlaunapallinum í Monza.

Mynd 34 af 34 Kristján Einar (l.t.h.) á blaðamannafundinum eftir kappaksturinn í Monza.

Kristján Einar l.t.h. á verðlaunapallinum í Monza. Í miðjunni Jay Bridges og l.t.h Hywel Lloyd. mbl.is/fota

Kristján Einar Kristjánsson varð þriðji í kappakstrinum í landsflokki hinnar bresku formúlu-3 sem fram fór síðdegis í hinni sögufrægu braut Monza á Ítalíu.

„Ég er mjög ánægður að vera hér, finnst reyndar að það hefði mátt gerast fyrr. Vissulega var leitt að verða af öðru sætinu eftir góða keppni við Hywel,“ sagði Kristján Einar á blaðamannafundi eftir kappaksturinn.

Kappaksturinn út í gegn háði hann tvísýnt og hart einvígi við hinn velska Hywel Lloyd sem tókst að nota sér kjölsogið til að komast fram úr að endingu.

„Ég er mjög glaður að hafa náð þessu takmarki. Í huga mér kom ekkert annað til greina en að fara á þennan fræga pall á Monza. Sérstaklega af því að ég var á leiðinni þangað þegar bíllinn bilaði í fyrri kappakstrinum í gær og ég ætlaði ekki að bíða í heilt ár eftir næsta tækifæri,“ sagði Kristján Einar.

„Ég er innilega þakklátur öllum mínum mönnum hjá Carlin og stuðningsaðilunum, en ég væri ekki hérna nema fyrir fjölskylduna mína og þennan frábæra bakhjarl sem ég á. Róbert Wessmann á dálítið mikið í þessum bikar,“ sagði Kristján Einar ennfremur.

Eftir mótin tvö í Monza er hann í fjórða sæti í stigakeppni ökuþóra með 40 stig. Við verðlaunum sínum tók hann úr hendi breska ökuþórsins John Surtees, sem varð nokkrum sinnum heimsmeistari á mótorhjólum á árunum 1956, 1958, 1959 og 1960 og heimsmeistari í formúl-1 árið 1964.

Með árangrinum brýtur Kristján Einar blað í keppni sinni í formúlu-3 því þetta er í fyrsta sinn sem hann stendur á verðlaunapalli.

Með þessu skipar Kristján Einar sér á bekk með Viktori Þór Jensen og Sverri Þóroddssyni. Viktor Þór vann einn sigur í landsflokknum í formúlu-3 í fyrra og varð auk þess tvisvar í öðru sæti og tvisvar í þriðja.

Sverrir keppti í formúlu-3 á sjöunda áratugnum en hún var þá næsta formúla fyrir neðan formúlu-1. Komst hann tvisvar á verðlaunapall og var aðeins hársbreidd frá sigri, einmitt í Monza.

Góð frammistaða Kristjáns Einars var sárabót fyrir Carlin-liðið því liðsfélagi hans Andy Meyrick, sem verið hefur ósigrandi í flokknum til þessa og vann fjögur fyrstu mótin lauk hvorugum kappakstrinum í Monza vegna áreksturs.

Meyrick hóf kappaksturinn fremstur í landsflokknum en Kristján Einar í öðru sæti. Sinn fyrsta sigur í landsflokknum vann Bretinn Jay Bridger, sem hóf keppni þriðji og annar varð Hywel Lloyd er var áttundi á rásmarki.

Meyrick er efstur að stigum í keppni ökumanna í landsflokknum með 84 stig, Bridger með 72 og Lloyd 67 en hann aflaði 35 stiga í Monza með sigri í gær og öðru sæti í dag.

Viktor féll úr leik

Viktor Þór Jensen keppti í alþjóðaflokknum í Monza í dag, en lauk ekki keppni. Féll hann úr leik ásamt fimm ökumönnum öðrum í hópárekstri á fyrsta hring. Sjálfur slapp hann ómeiddur en bíllinn laskaðist talsvert. Vonir standa þó til að lagfæra megi hann fyrir næsta kappakstur sem fram fer á Rockingham-brautinni í Bretlandi eftir viku.