Lewis Hamilton hjá McLaren var í þessu að vinna ráspól kanadíska kappakstursins í Montreal eftir spennandi keppni við fjölda ökuþóra. Annar varð Robert Kubica á BMW, þriðji Kimi Räikkönen á Ferrari og fjórði Fernando Alonso á Renault.

Hamilton náði ótrúlegum lokahring og var þá sex tíundu úr sekúndu fljótari í förum en næstu menn. Rétt áður hafði Kubica skotist úr fimmta sæti í það fyrsta.  

Með árangrinum bindur Hamilton enda á sigurgöngu Ferrari í tímatökunum en ökumenn þess hafa unnið hvern ráspólinn af öðrum undanfarið.

Nico Rosberg á Williams var lengi með í keppninni og gerði sér lítið fyrir á lokahringnum að vinna sig upp í fimmta sætið og fram úr Felipe Massa hjá Ferrari, sem ræsir af sjötta rásstað á morgun.

Lewis Hamilton vann sinn fyrsta ráspól í formúlu-1 í Montreal í fyrra og jafnframt sinn fyrsta mótssigur. Virðist hann líklegur til að halda upp á þau tímamót með því að vinna sömu afrek í ár og í fyrra, þ.e. ráspól og sigur.

Alonso hefur tekist að bæta Renaultinn mjög og var aðeins 11 þúsundustu úr sekúndu á eftir Räikkönen. Munar þar mestu um annað tímatökusvæðið af þremur en þar var Alonso með fjórum tíundu úr sekúndu lengur í förum.

Athygli vekur að Heikki Kovalainen og Nick Heidfeld voru fjarri hinum hraðskreiðu félögum sínum, Hamilton og Kubica. Varð Kovlainen sjöundi og Heidfeld áttundi.

Rubens Barrichello hjá Honda komst í fyrsta sinn á árinu í þriðju lotu tímatöku. Hefur hann keppni í níunda sæti, en Mark Webber á Red Bull ók ekki í lokalotunni vegna skemmda sem urðu á bíl hans í lok annarrar lotu.

Í fyrsta sinn á árinu komst Jarno Trulli hjá Toyota  ekki í þriðju lotu tímatökunnar. Hann snarsneri bílnum einu sinni í fyrstu lotu og tvisvar í þeirri næstu og varð fjórtándi. Vegna þessara vandræða Trulli varð liðsfélagi hans Timo Glock í fyrsta sinn framar, en hann varð ellefti.

Gírkassi bilaði hjá Jenson Button á Honda í byrjun fyrstu umferðar svo hann gat ekki ekið nema einn tímahring og varð nítjándi, einu sæti á undan Sebastian Vettel á Toro Rosso sem tók ekki þátt vegna tjóns á bíl hans á æfingu fyrr í dag.

Niðurstaða tímatökunnar varð sem hér segir, og þar með rásröð morgundagsins:

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• 2 blogg um fréttina

Bloggað um fréttina

• Evert S: Það verður erfitt hjá ferrari
• G. Tómas Gunnarsson: Ville Hamilton