Kimi Räikkönen á Ferrari er í óskastöðu til að endurtaka afrek sitt frá í fyrra og sigra í franska kappakstrinum þar sem hann vann ráspólinn rétt í þessu eftir jafna og spennandi keppni. Annar varð liðsfélagi hans Felipe Massa, þriðji Lewis Hamilton á McLaren og fjórði Fernando Alonso á Renault.

Þar sem Hamilton færist aftur á 13. rásstað vegna refsingar frá í síðasta móti fær Alonso þriðja rásstaðinn. Við hlið hans verður Jarno Trulli á Toyota sem náði fimmta sætinu þrátt fyrir að fyrri tímatilraunin í lokalotunni færi forgörðum er hann snarsneri bílnum.

Á þriðju rásröð verða Heikki Kovalainen á McLaren og Robert Kubica á BMW og þeirri fjórðu Red Bull-félagarnir Mark Webber og David Coulthard. 

Athygli vekur eftir sigurför BMW-liðsins til Montreal fyrir hálfum mánuði, að Nick Heidfeld komst ekki áfram í lokalotuna í tímatökunum nú. Minnstu munaði að hann sæti eftir í fyrstu umferð en hann varð á endanum tólfti.

Tímatökurnar í Magny-Cours voru jafnari en oft áður og baráttan um allt að þúsundustu brota úr sekúndu.

Árangur Räikkönen markar tímamót fyrir Ferrariliðið því þetta er 200. ráspóll liðsins frá upphafi vega í formúlu-1. 

Niðurstöður tímatökunnar urðu annars sem hér segir:

Tengdar fréttir

Formúla-1/Keppnin um ráspólinn

Verstappen vann sprettinn

• Verstappen tók franska pólinn
• Leclerc aftur á ráspól
• Klessti sig á ráspólinn
• Bottas naumlega á ráspól

» Fleiri tengdar fréttir

• 3 blogg um fréttina

Bloggað um fréttina

• Jóhann Elíasson: Vissulega lýtur þetta mjög vel út og útlit fyrir skemmtilegan …
• G. Tómas Gunnarsson: Magnaður kúrs - hjá Ferrari
• Hallgrímur Guðmundsson: Það var aldrei spurning