Fernando Alonso þarf að draga fram seðlaveskið og reiða fram 10.000 evrur, um 1,2 milljónir króna, vegna sektar sem hann fékk í Valencia í dag.   

Dómarar kappakstursins skelltu þessari þungu sekt á heimsmeistarann fyrrverandi eftir að honum varð það á, að aka yfir óbrotna akreinarlínu á leið sinni inn á bílskúrasvæðið.

Línan afmarkaði aðreinina að bílskúrunum og bar Alonso að fara fyrr inn í reinina á leið sinni úr brautinni. Atvikið átti sér stað á seinni æfingu dagsins.

Alonso var ekki sá eini sem refsað var fyrir ólögmætt athæfi á bílskúrasvæðunum því David Coulthard hjá Red Bull var sektaður um 2.200 evrur, tæplega 250 þúsund krónur, fyrir að aka of hratt í bílskúrareininni.

Alonso á blaðamannafundi í Valencia í dag. ap

Tengdar fréttir

Formúla-1/Renault

Renault út - Alpine inn

• Renault verður Alpine
• Ricciardo til McLaren
• Gleðin minni eftir brottför Ricciardo
• Hülkenberg ekki lengur með Renault

» Fleiri tengdar fréttir

Formúla-1/mótsfréttir

Ocon vann jómfrúrsigur

• Hamilton vann á heimavelli
• Dekkin héldu og Max vann
• Verstappen á ráspól
• Toppaði báðar æfingarnar

» Fleiri tengdar fréttir

• 1 blogg um fréttina

Bloggað um fréttina

• Bergur Thorberg: Yfir strikið