Felipe Massa hjá Ferr­ari hreppti rá­spól Evr­ópukapp­akst­urs­ins í Valencia á Spáni rétt í þessu. Fyr­ir lokalot­una leit út fyr­ir að rás­röðin yrði afar óvenju­leg en í þriðju og síðustu lotu náðu topp­menn­irn­ir sér loks á strik.

Lew­is Hamilt­on hjá McLar­en varð ann­ar, Robert Ku­bica hjá BMW þriðji  og Kimi Räikkkön­en hjá Ferr­ari fjórði. Heikki Kovalain­en hjá McLar­en varð svo fimmti.

Árang­ur ökuþóra Toro Rosso kem­ur á óvart. Báðir komust í lokalot­una og er það í fyrsta sinn á ferl­in­um sem Sebastien Bour­da­is nær þangað. Hann varð að lok­um tí­undi en Sebastian Vettel gerði bet­ur og varð sjötti. Vettel var maður annarr­ar lotu því þá setti hann besta braut­ar­tím­ann.

Öku­menn móðurliðsins, Red Bull, sátu eft­ir. Dav­id Coult­h­ard var sleg­inn út í fyrstu lotu og Mark Webber í ann­arri. Þar enduðu draum­ar Fern­ando Alon­so hjá Renault einnig. Eft­ir góða fyrstu lotu þar sem hann setti fjórða besta tím­ann gerði hann mis­tök í tíma­tilraun sinni og varð aðeins 12. að lok­inni ann­arri lotu og þar með úr leik.

Langt er síðan Renault hef­ur ekki átt einn mann eða tvo meðal tíu fremstu. Nel­son Piqu­et stóð sig einnig illa og varð 15.

Hondaliðið gerði sér mikl­ar von­ir fyr­ir mótið en beið nokkuð skip­brot í tíma­tök­un­um þar sem Jen­son Butt­on og Ru­bens Barrichello féllu báðir út í fyrstu lotu.

Niðurstaðan - og þar með rás­röðin á morg­un - varð ann­ars sem hér seg­ir:

Röð	Ökuþór	Bíll	Lota 1	Lota 2	Lota 3	Hri.
1.	Massa	Ferr­ari	1:38.176	1:37.859	1:38.989	19
2.	Hamilt­on	McLar­en	1:38.464	1:37.954	1:39.199	15
3.	Ku­bica	BMW	1:38.347	1:38.050	1:39.392	18
4.	Räikkön­en	Ferr­ari	1:38.703	1:38.229	1:39.488	21
5.	Kovalain­en	McLar­en	1:38.656	1:38.120	1:39.937	18
6.	Vettel	Toro Rosso	1:38.141	1:37.842	1:40.142	19
7.	Trulli	Toyota	1:37.948	1:37.928	1:40.309	21
8.	Heidfeld	BMW	1:38.738	1:37.859	1:40.631	19
9.	Ros­berg	Williams	1:38.595	1:38.336	1:40.721	18
10.	Bour­da­is	Toro Rosso	1:38.622	1:38.417	1:40.750	18
11.	Nakajima	Williams	1:38.667	1:38.428		15
12.	Alon­so	Renault	1:38.268	1:38.435		12
13.	Glock	Toyota	1:38.532	1:38.499		14
14.	Webber	Red Bull	1:38.559	1:38.515		15
15.	Piqu­et	Renault	1:38.787	1:38.744		15
16.	Butt­on	Honda	1:38.880			6
17.	Coult­h­ard	Red Bull	1:39.235			9
18.	Fisichella	Force India	1:39.268			10
19.	Barrichello	Honda	1:39.811			10
20.	Su­til	Force India	1:39.943			9