Þýska umferðarlögreglan gómaði Michael Schumacher fyrir hraðakstur skammt frá uppeldisstöðvum hans í Kerpen í Þýskalandi. Var hann sektaður og sviptur þremur aksturspunktum.

Schumacher var á ferð á Audi blæjubíl, en ekki Ferrari, og fregnir í Þýskalandi gefa til kynna að hann hafi mælst á 140 km/klst hraða þar sem leyfilegur hámarkshraði var 100 km.  

Schumacher er ráðgjafi Ferrari og tilraunaökuþór á stundum. Þá hefur hann verið andlit margskonar aðgerða af hálfu Alþjóða akstursíþróttasambandsins (FIA) í þágu umferðaröryggis, m.a. herferða gegn hraðakstri.

Ítalska íþróttadagblaðið La Gazzetta dello Sport segir að ekki hafi vantað nema eina 7 km upp á að Schumacher hafi misst ökuréttindi sjálfkrafa. Til þess hefði hann þurft að aka á yfir 146 km/klst.

„Mér þykir þetta virkilega leitt, þetta er mér ekki samboðið. Hraðakstur á heima á kappakstursbrautunum eingöngu,“ hefur útbreiddasta blað Þýskalands, Bild,  eftir Schumacher um atvikið.

Tengdar fréttir

Formúla-1/Vettvangur

Vettel semur við Aston Martin

• „Bleiki Mercedes“ ólöglega gerður
• Íhugaði að hvíla sig á keppni
• Leclerc prófaði 18 tommu dekk
• Kórónuveiran ógnar formúlu-1

» Fleiri tengdar fréttir

• 3 blogg um fréttina

Bloggað um fréttina

• Jóhann Elíasson: Hungrið enn til staðar??
• Helgi Jónsson: Hvers vegna keyrði hann þá svona hratt?
• Pétur Sig: Þetta er nú samt