Brawn GP-liðið byrjaði með stæl við fyrstu opinberu bílprófanir sínar í Barcelona. Þar æfa öll formúluliðin og þegar gert var hádegishlé hafði Jenson Button sett besta brautartímann á Brawn-bílnum.

Besti hringur Buttons var 1:21,140 mínútur og var talsvert bil í næsta mann,  Jarno Trulli hjá Toyota sem ekið hafði á 1:21,85 mín.

Vegna mismunandi bensínhleðslu einstakra bíla og ólíkra æfingaþátta er varhugavert að draga miklar ályktanir af getu bíla. Engu að síður þykir víst að liðsmönnum Brawn GP leiðist ekki að sitja í efsta sæti tímatökutöflunnar eftir 30 hringja akstur í Barcelona.

Rubens Barrichello mun aka bílnum síðar í vikunni en hann hefur ekki enn sem komið er setið undir stýri hans.

Tengdar fréttir

Formúla-1/Mercedes

Hamilton framlengir

• Einbeita sér að því að auka aflið
• Mercedes ræður Bottas út 2020
• Íhuguðu að taka Hamilton úr bílnum
• Hamilton færður aftur

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: Ögurstund runnin upp hjá liðinu......