Renault brúkar KERS í Melbourne
Setja bókamerki
Tengdar fréttir
Formúla-1/Renault
Renault segist munu notast við KERS-búnaðinn svonefnda strax í fyrsta kappakstri ársins, í Melbourne. Það er fyrst keppnisliða formúlunnar til að gera upp hug sinn til notkunar búnaðarins í fyrsta móti.
Flest liðanna velta nú vöngum yfir því hvort þau taki búnaðinn umdeilda í notkun í fyrsta móti. Nokkur þeirra munu bíða með það fram á sumar. Reynsla Renault af búnaðinum undanfarið dugar liðinu til að gera upp hug sinn.
Með þessu er alla vega úr sögunni sú hætta, að ekkert keppnisliðanna myndi taka KERS-búnaðinn í notkun við upphaf vertíðarinnar. Mörg liðanna hafa að undanförnu sagt búnað sinn einfaldlega ekki tilbúinn til notkunar svo vel væri.
McLaren, BMW og Ferrari hafa ekki gefið upp hvort þau noti búnaðinn þegar í fyrsta móti. Sex liðanna hafa hins vegar staðfest að KERS verði ekki í þeirra bílum í Melbourne.
Þar er um að ræða Williams, Toyota, Toro Rosso, Red Bull, Force India og Brawn GP.
Forsvarsmenn Renault höfðu í upphafi miklar efasemdir um ágæti KERS-búnaðar fyrir formúlubíla. Bob Bell, tæknistjóri Renault, segir hins vegar nú, að það hafi komið liðsmönnum á óvart hversu vel búnaður liðsins hafi reynst.
KERS-búnaðurinn endurnýtir hemlaorku keppnisbílanna og gefur þeim með því viðbótarkraft.
Tengdar fréttir
Formúla-1/Renault
Glódís Perla íþróttamaður ársins
Ég hef aldrei verið jafn hamingjusamur
Hrossatað skilgreint sem afurðir dýra en ekki spilliefni
Íslandi enn betur borgið utan ESB
Grænlendingar stígi í átt að sjálfstæði
Eitt hæsta eldsneytisverðið hér
ÁTVR ekki enn rétt hlut Distu
Tóku bæ á stærð við Reykjanesbæ á sitt vald