Rubens Barrichello hjá Brawn setti besta brautartímann á fyrstu æfingu keppnishelgarinnar í Valencia. Heikki Kovalainen, undir þrýstingi um að standa sig vel til að halda sæti hjá McLaren, setti næstbesta tímann. Liðsfélagi hans Lewis Hamilton átti þriðja besta hringinn.

Óvenjulegt er að sjá Ferrari í neðsta sæti en við það varð Luca Badoer að sætti sig. Er hann að keppa í fyrsta sinn í áratug. Badoer var meira en sekúndu lengur með hringinn en næstsíðasti maður og 3,8 sekúndum lengur en Barrichello. 

Fljótastur þriggja nýliða, ef flokka má Badoer sem slíkan, varð Spánverjinn Jamie Alguersuari hjá Toro Rosso. Setti hann þrettánda besta tímann, var um 1,1 sekúndu lengur í förum en Barrichello.

Nýliðinn hjá Renault, Frakkinn Sebastien Grosjean, setti 17. besta tímann og var fljótari í förum en báðir ökumenn Toyota og Badoer. Var Grosjean aðeins sekúndu lengur með hringinn en liðsfélagi hans Fernando Alonso.

 Jenson Button hjá Brawn átti lengi besta tímann en varð að lokum í fjórða sæti. Nýjungar í bíl Force India fyrir mótið virðast skila tilætluðum árangri því Adrian Sutil setti sjötta besta tíma æfingarinnar.

Niðurstaða æfingarinnar varð sem hér segir:

Tengdar fréttir

Formúla-1/mótsfréttir

Ocon vann jómfrúrsigur

• Hamilton vann á heimavelli
• Dekkin héldu og Max vann
• Verstappen á ráspól
• Toppaði báðar æfingarnar

» Fleiri tengdar fréttir

• 1 blogg um fréttina

Bloggað um fréttina

• Gunnar Th. Gunnarsson: Nokkur óheppileg bílanöfn