Sebastian Vettel hjá Red Bull var í þessu að vinna rá­spól fyrsta kapp­akst­ur árs­ins, í Barein. Í öðru og þriðja sæti urðu Ferr­ari­fé­lag­arn­ir Felipe Massa og Fern­ando Alon­so. Michael Schumacher hjá Mercedes varð sjö­undi.

Massa varð aðeins tí­unda úr sek­úndu leng­ur með sjö kíló­metra lang­an hring­inn í Barein en Vettel, sem vann sinn sjötta pól á ferl­in­um nú. Keppn­in um rá­spól­inn var jöfn og spenn­andi frá fyrstu lotu og til loka þeirr­ar þriðju.

Alon­so hafði leitt akst­ur­inn og hafði for­ystu eft­ir fyrri tíma­tilraun öku­mann­anna í lokalot­unni. Vettel sótti síðan mjög stíft í loka­tilraun sinni og átti eng­inn svar við mik­illi bæt­ingu hans.

Lew­is Hamilt­on hjá McLar­en bætti sig stöðugt og varð að end­ingu fjórði en liðsfé­lagi hans, Jen­son Butt­on, hef­ur keppni í átt­unda sæti, einu á eft­ir Schumacher. Nico Ros­berg beit frá sér fram­an af en endaði í fimmta sæti og er enn með yf­ir­hönd­ina gagn­vart Schumacher.

Nico Hul­ken­berg hjá Williams náði best­um ár­angri nýju ökuþór­anna með 13. sæti. Rúss­inn Vita­ly Petrov hjá Renault komst einnig í aðra um­ferð en varð þar 17.

Nýju liðin þrjú misstu öll bíla sína út í fyrstu lot­unni. Virg­in var best þeirra er Timo Glock hafnaði í 19. sæti, hárs­breidd á und­an Jarno Trulli hjá Lot­us.

Kar­un Chand­hok hjá Hispania gat loks ekið, eft­ir að hafa misst af æf­ing­un­um þrem­ur í dag og gær. Var um reynsluakst­ur að ræða hjá hon­um en hann ók 7 hringi og sá besti var aðeins 1,7 sek­úndu leng­ur far­inn en besti hring­ur liðsfé­laga hans, Bruno Senna, sem ekið gat í gær og dag.

Niðurstaða tíma­tök­unn­ar - og þar með rás­röð morg­undags­ins - varð sem hér seg­ir:

Röð	Ökuþór	Bíll	Lota 1	Lota 2	Lota 3
1.	Vettel	Red Bull	1:55.029	1:53.883	1:54.101
2.	Massa	Ferr­ari	1:55.313	1:54.331	1:54.242
3.	Alon­so	Ferr­ari	1:54.612	1:54.172	1:54.608
4.	Hamilt­on	McLar­en	1:55.341	1:54.707	1:55.217
5.	Ros­berg	Mercedes	1:55.463	1:54.682	1:55.241
6.	Webber	Red Bull	1:55.298	1:54.318	1:55.284
7.	Schumacher	Mercedes	1:55.593	1:55.105	1:55.524
8.	Butt­on	McLar­en	1:55.715	1:55.168	1:55.672
9.	Ku­bica	Renault	1:55.511	1:54.963	1:55.885
10.	Su­til	Force India	1:55.213	1:54.996	1:56.309
11.	Barrichello	Williams	1:55.969	1:55.330
12.	Liuzzi	Force India	1:55.628	1:55.653
13.	Hul­ken­berg	Williams	1:56.375	1:55.857
14.	de la Rosa	Sauber	1:56.428	1:56.237
15.	Bu­emi	Toro Rosso	1:56.189	1:56.265
16.	Kobayashi	Sauber	1:56.541	1:56.270
17.	Petrov	Renault	1:56.167	1:56.619
18.	Algu­ersu­ari	Toro Rosso	1:57.071
19.	Glock	Virg­in	1:59.728
20.	Trulli	Lot­us	1:59.852
21.	Kovalain­en	Lot­us	2:00.313
22.	di Grassi	Virg­in	2:00.587
23.	Senna	Hispania	2:03.240
24.	Chand­hok	Hispania	2:04.904