Lewis Hamilton hjá McLaren ók aftur hraðast, á seinni æfingu dagsins, í Sepang í Malasíu. Næst besta tímann setti Sebastian Vettel hjá Red Bull og þann þriðja besta Nico Rosberg hjá Mercedes.

Hóp 10 efstu ökumanna skipuðu nær sömu ökumenn og á fyrri æfingunni. Rosberg varð aðeins tveimur þúsundustu úr sekúndu fljótari með hringinn en Jenson Button hjá McLaren. 

Í næstu sætum urðu Michael Schumacher, sem um skeið átti besta tíma þar til Hamilton sló frá sér, Robert Kubica, Fernando Alonso, Sebastien Buemi, Vitaly Petrov, Adrian Sutil.

Flestir ökumannanna settu sína bestu tíma á mýkri dekkjunum en hver á fætur öðrum kvartaði undan þeim og sögðu jafnvægi í bílnum skorta, tilhneigingar til vanstýringar gæta og afturendann gripvana með þau undir. Áttu ökumenn og erfitt með að halda sér á brautinni meðan þeir reyndu að temja mýkri dekkin.

Endingarskortur heldur áfram að hrella Red Bull því Mark Webber varð að leggja bíl sínum í malargryfju við brautarjaðar við níundu beygju eftir skamman akstur. Talið var að um mótorbilun hafi verið að ræða.

Ferrariþórarnir völdu að nota tímann að mestu til að keyra í löngum lotum með fulla bensíntanka. Voru þeir þá lengstum fjórum sekúndum lengur að aka hringinn en fremstu menn og lágu í 17. og 19. sæti tímalistans.

Það var ekki fyrr en alveg í lokin að þeir Fernando Alonso og Felipe Massa settu mýkri dekkin undir. Þá var eins og slegið hafi veri ðí klárinn því Alonso skaust upp í sjöunda sæti. Massa bætti sig minna og átti 15. besta tímann að lokum.

Niðurstaða æfingarinnar varð annars sem hér segir:

Röð	Ökuþór	Bíll	Tími	Bil	Hri.
1.	Hamilton	McLaren	1:34.175		27
2.	Vettel	Red Bull	1:34.441	+0.266	28
3.	Rosberg	Mercedes	1:34.443	+0.268	30
4.	Button	McLaren	1:34.538	+0.363	24
5.	Schumacher	Mercedes	1:34.674	+0.499	30
6.	Kubica	Renault	1:35.148	+0.973	34
7.	Alonso	Ferrari	1:35.581	+1.406	34
8.	Buemi	Toro Rosso	1:35.660	+1.485	39
9.	Petrov	Renault	1:35.872	+1.697	20
10.	Sutil	Force India	1:35.957	+1.782	32
11.	Kobayashi	Sauber	1:36.018	+1.843	38
12.	Liuzzi	Force India	1:36.221	+2.046	34
13.	de la Rosa	Sauber	1:36.325	+2.150	33
14.	Alguersuari	Toro Rosso	1:36.325	+2.150	39
15.	Massa	Ferrari	1:36.602	+2.427	30
16.	Barrichello	Williams	1:36.813	+2.638	26
17.	Hulkenberg	Williams	1:37.415	+3.240	19
18.	Trulli	Lotus	1:38.454	+4.279	34
19.	Kovalainen	Lotus	1:38.530	+4.355	32
20.	Webber	Red Bull	1:38.786	+4.558	13
21.	Glock	Virgin	1:39.061	+4.886	23
22.	di Grassi	Virgin	1:39.158	+4.983	29
23.	Chandhok	HRT	1:41.084	+6.909	27
24.	Senna	HRT	1:41.481	+7.306	32