Kimi Räikkönen gat vart hafið endurkomu sína í formúlu-1 betur en í dag er hann ók hraðast við fyrstu bílprófanir ársins. Besti hringur hans var betri en nokkur æfingahringur í Jerezbrautinni allt síðastliðið ár.

Heimsmeistarinn frá 2007 var hraðskreiðastur frá byrjun og var aldrei á æfingunni velt úr fyrsta sæti.  Næst fljótastur varð Skotinn Paul di Resta hjá Force India sem var annar tveggja ökuþóra sem lögðu rúma 100 hringi að baki í dag. Var hann á endanum 0,1 sekúndu á eftir Räikkönen.

Nico Rosberg hjá Mercedes, á umbreyttum bíl frá í fyrra, setti þriðja besta tímann og þann fjórða besta átti Mark Webber hjá Red Bull. Hann gat ekki hafið æfingar strax í morgun þar sem íhlutar í bílinn skiluðu sér ekki í tæka tíð frá bílsmiðjunni í Englandi.

Kamui Kobayashi hjá Sauber varð fyrir því er hálftími var eftir af æfingunni að bensíntankurinn tæmdist svo hann varð að leggja bílnum við brautarkant.

Jenson Button á McLaren og Felipe Massa á Ferrari létu ekki mikið til sín taka, urðu í áttunda og níunda sæti.

Tengdar fréttir

Formúla-1/bílprófanir

Ökumenn Red Bull á toppnum

• Segja bíl Red Bull fljótari en Mercedes
• Verstappen tók toppsætið
• Mikill munur á Bottas og Hamilton
• Ricciardo fljótastur

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞETTA HEFUR VERIÐ HANS SAGA Í GEGNUM FERILINN.................