Ísland sigraði Frakkland 1:0

Ísland vann fræk­inn sig­ur á Frakklandi, 1:0, í Evr­ópu­keppni landsliða á Laug­ar­dals­vell­in­um. Sig­ur­mark Íslands var sjálfs­mark á 81. mín­útu eft­ir að markvörður­inn varði skalla frá Mar­gréti Láru Viðars­dótt­ur en fékk bolt­ann aft­ur í sig og þaðan í netið. Glæsi­leg og óvænt úr­slit sem koma Íslandi í góða stöðu með 6 stig eft­ir tvo leiki.

Fylgst var með gangi máli í beinni texta­lýs­ingu á mbl.is og fer lýs­ing­in hér á eft­ir.

90. Þóra ver á glæsi­leg­an hátt frá Bus­saglia sem fékk gott skot­færi í víta­teign­um.

88. Dóra María Lár­us­dótt­ir kemst inní send­ingu á miðjum vall­ar­helm­ingi Frakka, leik­ur á varn­ar­mann og þrum­ar á markið en bolt­inn strýkst við þverslána.

84. Frakk­ar sækja af krafti og hafa átt tvö skot eft­ir markið en bæði fram­hjá. Frönsku leik­menn­irn­ir hafa átt 22 mark­s­kot gegn 6 skot­um Íslands.

81. 1:0. Dóra María Lár­us­dótt­ir kemst að enda­mörk­um hægra meg­in og send­ir fyr­ir markið, Mar­grét Lára skall­ar, markvörður­inn ver glæsi­lega en bolt­inn fer af varn­ar­manni í netið.

77. Mar­grét Lára reyn­ir skot úr auka­spyrnu af 35 m færi en yfir mark Frakk­anna.

75. Lae­titia Tonazzi kem­ur inná fyr­ir Gatea­ne Thiney.

74. Elodie Thom­as kemst inn­fyr­ir vörn Íslands hægra meg­in eft­ir snögg­tekna auka­spyrnu, ein á móti Þóru, sem lok­ar vel á hana og Thom­as skýt­ur yfir markið.

73. Sandrine Sou­beyrand fyr­irliði Frakka með skot frá víta­teig eft­ir nokkra pressu en beint á Þóru.

70. Hólm­fríður Magnús­dótt­ir kem­ur inná fyr­ir Gretu Mjöll Samú­els­dótt­ur.

69. Ásthild­ur leik­ur upp völl­inn, fram­hjá tveim­ur varn­ar­mönn­um og renn­ir á Mar­gréti Láru sem er á víta­teigs­línu og skýt­ur þaðan en beint á markvörðinn.

66. Snögg sókn Íslands og Ásthild­ur Helga­dótt­ir reyn­ir skot með vinstri færi af 20 metra færi en beint á Bou­haddi markvörð.

66. Hætta í víta­teig Frakka eft­ir auka­spyrnu Ástu Árna­dótt­ur frá miðlínu en Bou­haddi markvörður kast­ar sér fram og gríp­ur vel inní.

62. Dóra María Lár­us­dótt­ir kem­ur inná fyr­ir Erlu Steinu Arn­ar­dótt­ur.

61. Elodie Thom­as reyn­ir hjól­hesta­spyrnu eft­ir fyr­ir­gjöf frá hægri en Þóra ver af ör­yggi.

60. Camille Abily kemst fram­hjá varn­ar­mönn­um við víta­punkt og nær föstu skoti í mark­hornið niðri, vinstra meg­in, en Þóra ver glæsi­lega í horn.

57. Elise Bus­saglia kemst inní víta­teig­inn vinstra meg­in og á hörku­skot sem Þóra ver vel í horn.

53. Mar­grét Lára reyn­ir mark­s­kot af 40 metra færi, það er fast en beint á franska markvörðinn Sarah Bou­haddi.

50. Þóra B. Helga­dótt­ir með auka­spyrnu rétt utan eig­in víta­teigs og send­ir inn­fyr­ir vörn Frakka á Gretu Mjöll Samú­els­dótt­ur. Nú er meðvind­ur­innn hins­veg­ar óhag­stæður og Greta nær ekki valdi á bolt­an­um sem fer aft­ur­fyr­ir enda­mörk.

Íslenska liðið náði að standa af sér mjög þunga pressu Frakka fyrstu fimm mín­út­ur leiks­ins.

48. Camille Abily fær send­ingu inní víta­teig Íslands hægra meg­in, snýr sér til vinstri og á gott skot, rétt yfir markvink­il­inn fjær.

46. Frakk­ar gerðu breyt­ingu á sínu liði í hálfleik. Elodie Thom­as kom inná fyr­ir Louisa Necib.

45. Flautað til hálfleiks, staðan er 0:0. Frakk­ar réðu ferðinni að mestu í fyrri hálfleik en ís­lenska liðið barðist af krafti og hleypti þeim ekki í nein telj­andi opin færi. Frakk­ar reyndu mikið af skot­um og áttu 12 skot að marki Íslands í fyrri hálfleik en aðeins þrjú þeirra hittu á markið og Þóra B. Helga­dótt­ir varði þau án vand­ræða. Ísland átti nokkr­ar ágæt­ar sókn­ir en náði aðeins einu mark­s­koti, sem var varið. Horn­spyrn­ur liðanna voru þó jafn­marg­ar í hálfleikn­um, tvær á hvort lið. Íslenska liðið lék á móti nokkr­um strekk­ings­vindi í fyrri hálfleikn­um.

42. Elise Bus­saglia með skot rétt utan víta­teigs vinstra meg­in en rétt fram­hjá stöng­inni hægra meg­in.

34. Mar­grét Lára í góðu færi eft­ir send­ingu frá Ásthildi Helga­dótt­ur. Skot Margét­ar var laust og átti franski markvörður­inn ekki í erfiðleik­um með að verja skotið.

30. Frakk­ar fá dauðafæri eft­ir skynd­isókn en franski sókn­ar­maður­inn Elise Bus­saglia skýt­ur yfir markið rétt utan mar­keigs. Besta mark­tæki­færi leiks­ins.

22. Frakk­ar kom­ast í ágæta sókn sem end­ar með koll­spyrnu en Þóra B. Helga­dótt­ir er vel á verði og ver ör­ugg­lega. Frakk­ar eru ör­lítið að herða tök­in í leikn­um.

Tutt­ugu mín­út­ur eru liðnar af leikn­um og leik­ur­inn í al­gjöru jafn­vægi. Eng­in mark­tæki­færi hafa litið dags­ins ljós enn sem komið er.

10. Íslend­ing­ar eiga fyrstu horn­spyrnu leiks­ins en lít­il hætta skap­ast upp úr henni.

Liðin eru að þreifa fyr­ir sér fyrstu mín­út­urn­ar. Aðstæður eru ágæt­ar á Laug­ar­dals­vell­in­um. Það er skýjað, þurrt og 12 stiga hiti en nokkuð sterk gola og leik­ur ís­lenska liðið gegn henni í fyrri hálfleik.

Lið Íslands (4-4-1-1): Þóra B. Helga­dótt­ir - Sif Atla­dótt­ir, Guðrún Sól­ey Gunn­ars­dótt­ir, Katrín Jóns­dótt­ir, Ásta Árna­dótt­ir - Erla Steina Arn­ar­dótt­ir, Edda Garðardótt­ir, Dóra Stef­áns­dótt­ir, Greta Mjöll Samú­els­dótt­ir - Mar­grét Lára Viðars­dótt­ir - Ásthild­ur Helga­dótt­ir.
Vara­menn: Guðbjörg Gunn­ars­dótt­ir, Dóra María Lár­us­dótt­ir, Hólm­fríður Magnús­dótt­ir, Ólína G. Viðars­dótt­ir, Katrín Ómars­dótt­ir, Guðný B. Óðins­dótt­ir, Guðný P. Þórðardótt­ir.

Lið Frakk­lands (4-3-3): Sarah Bou­haddi - Cor­ine Franco, Sa­dr­ine Dusang, Oph­elie Meilleroux, Sonia Bompa­stor - Gaeta­ne Thiney, Sandrine Sou­beyrand, Louisa Necib - Elise Bus­saglia, Hoda Lattaf, Camille Abily.
Vara­menn: Cél­ine Deville, Sa­brina Viguier, Sandrine Bretigny, Lae­titia Tonazzi, Elodie Thom­as, Laure Bolulleau, Laure Lepail­le­ur.