Knattspyrnumaður lést á æfingu í miklum hita

Chaswe Nsofwa, leikmaður ísraelska knattspyrnufélagsins Hapoel Beersheba lést á æfingu í dag, 26 ára að aldri. Samherjar Nsofwa reyndu að lífga hann við án árangurs, og læknum sem komu á staðinn skömmu síðar tókst heldur ekki að bjarga lífi hans þrátt fyrir ítrekaðar tilraunir.

Nákvæm ástæða láts Nsofwa, sem ættaður er frá Sambíu, liggur ekki fyrir en æfingin sem hann hneig niður á fór fram í hartnær 40 gráðu hita auk þess sem lítill raki var í andrúmsloftinu.

• 3 blogg um fréttina

Bloggað um fréttina

• Arnfinnur Bragason: Hvað er eiginlega í gangi?
• Sverrir Þorleifsson: ekkert grín að sparka bolta
• Ingólfur H Þorleifsson: Menn í topp formi hrynja niður.