Schmeichel með tilboð í Bröndby

Dan­inn Peter Sch­meichel, sem á sín­um tíma varði mark Eng­lands­meist­ara Manchester United af mikl­um mynd­ar­brag, hef­ur ásamt hópi fjár­festa lagt fram kauptil­boð í danska knatt­spyrnu­fé­lagið Brönd­by, sem Sch­meichel lék með áður en hann hélt til Eng­lands. Hann seg­ir ástæðuna vera þá að hon­um sárni að horfa upp á gengi liðsins í síðustu leikj­um.

Brönd­by hef­ur gengið illa það sem af er leiktíðar, og er í næst­neðsta sæti dönsku deild­ar­inn­ar. Þar að auki hef­ur liðið tapað síðustu 23 úti­leikj­um sín­um, sem er met í Dan­mörku. „Við elsk­um Brönd­by og okk­ur þykir leitt að þurfa að horfa upp á úr­slit leikja liðsins og stöðuna sem það er í,“ sagði Sch­meichel á blaðamanna­fundi í dag.

Talið er að kauptil­boð fjár­fest­anna sé ná­lægt 250 millj­ón­um danskra króna, eða hátt í þrír millj­arðar ís­lenskra króna, en ekki er víst hve stór hluti fé­lags­ins fæst fyr­ir þá upp­hæð. „Pen­ing­ana á að nota til að bæta leik­manna­hóp­inn. Við vilj­um með þess­um aur­um lokka til fé­lags­ins leik­menn og þjálf­ara sem eru af hærri gæðaflokki en nú er,“ sagði Sch­meichel.

Stefán Gísla­son er einn leik­manna Brönd­by.

• 1 blogg um frétt­ina

Bloggað um frétt­ina

• Bald­vin Jóns­son: Er þetta há­mark hrok­ans eða viðskipta­vit?