Ánægður með baráttuna og úrslitin

„Baráttan í liðinu var frábær í kvöld, gegn liði sem hefur spilað af miklu sjálfstrausti að undanförnu. Ég er kannski ekki ánægður með allt í leiknum sem slíkum en ég er að sjálfsögðu mjög ánægður með úrslitin," sagði Eyjólfur Sverrisson landsliðsþjálfari í knattspyrnu eftir að Ísland sigraði Norður-Írland, 2:1, í undankeppni EM á Laugardalsvellinum í kvöld.

„Norður-Írar komu hingað staðráðnir í að bæta fyrir tapið gegn Lettum á dögunum en við stóðumst pressuna, skoruðum tvö mörk og fengum á okkur eitt mark úr vítaspyrnu. Ég er mjög ánægður með varnarleik okkar en við hefðum getað útfært okkar sóknarleik betur," sagði Eyjólfur Sverrisson.

• 3 blogg um fréttina

Bloggað um fréttina

• Jóhann Elíasson: Góður leikur? - En sigurinn var góður og langþráður.
• Ásdís Jóna Sigurjónsdóttir: Flottur leikur
• Haraldur Haraldsson: Landsliðið 'islenska á heimsmælikvarða i dag!!!!!