"Ætla að fara lengra með þetta Valslið"

"Ég er síður en svo að minnka við mig sjálf þó að ég hafi fengið annan þjálfara við hlið mér. Við erum ekki langt frá því að ná afburðaárangri á alþjóðlegum vettvangi og til þess að ná lengra er besta leiðin að auka enn við gæðin og umgjörðina," sagði Elísabet Gunnarsdóttir, þjálfari Íslandsmeistaraliðs Vals í knattspyrnu kvenna, við Morgunblaðið.

Elísabet segir m.a. að hún hafi ætlað að hætta hjá Val eftir þetta tímabil og þjálfa erlendis. Hún hefur líka mikinn hug á að ná enn lengra með Valsliðið og að fá erlenda toppleikmenn til liðs við félagið. Sjá nánar í Morgunblaðinu í dag.