Ívar ekki í fyrsta landsliðshóp Ólafs

Ólaf­ur Jó­hann­es­son, nýráðinn þjálf­ari ís­lenska landsliðsins í knatt­spyrnu, til­kynnti í dag hvaða leik­menn hann hef­ur valið fyr­ir lands­leik­inn gegn Dön­um í undan­keppni Evr­ópu­móts­ins á Par­ken í Kaup­manna­höfn þann 21. nóv­em­ber n.k.  Ólaf­ur valdi ekki Ívar Ingimars­son úr Rea­ding í verk­efnið en Ívar lék alla leiki landsliðsins und­ir stjórn Eyj­ólfs Sverris­son­ar.

Ólaf­ur sagði að Ívar hefði tjáð sér fyr­ir tíu dög­um að hann ætlaði að hætta í landsliðinu eft­ir Dana­leik­inn og eft­ir að hafa velt mál­inu fyr­ir sér þá hafði hann sam­band við Ívar og sagði hon­um að hann yrði ekki val­inn.

Landsliðið held­ur til Dan­merk­ur á laug­ar­dag og mun liðið ná 6 æf­ing­um und­ir stjórn Ólafs og Pét­urs Pét­urs­son­ar aðstoðar­manns hans fram að leikn­um á Par­ken á miðviku­dag.

Afþökkuðu vináttu­leik gegn Georgíu

Geir Þor­steins­son formaður Knatt­spyrnu­sam­bands Íslands sagði að Georgía hefði á síðustu stundu óskað eft­ir því að fá ís­lenska liðið í vináttu­leik laug­ar­dag­inn 17. nóv­em­ber. Geir sagði að boð Georgíu­manna hafi komið of seint og það hafi ekki þótt ásætt­an­legt að fara með landsliðið í hraðferð í langt ferðalag til Georgíu.

Ólaf­ur Jó­hann­es­son landsliðsþjálf­ari sagði á fundi með frétta­mönn­um í dag að marg­ir leik­menn hefðu komið til greina í 20 manna landsliðshóp.

Ólaf­ur Ingi Skúla­son leikmaður sænska liðsins Hels­in­borg var ekki val­inn og seg­ir Ólaf­ur að að nafni hans hafi vissu­lega verið inn í mynd­inni en hafi ekki verið val­inn að þessu sinni.

Stefán Gísla­son úr Brönd­by í Dan­mörku er í liðinu eft­ir nokk­urt hlé. Sverr­ir Þór Garðars­son úr FH, Eggert Gunnþór Jóns­son úr Hearts í Skotlandi og Bjarni Þór Viðars­son úr Evert­on eru í leik­manna­hópn­um en þeir eru all­ir nýliðar.

Ólaf­ur sagði að hann þekkti vel til Bjarna og Theó­dórs Elm­ars en hann hef­ur ekki séð Eggert spila með Hearts. Þjálf­ar­inn sagði að hann hefði aflað sér upp­lýs­inga um Eggert í gegn­um þjálf­ara hans í Skotlandi og hjá fleiri þjálf­ur­um. Kári Árna­son úr AGF og Ólaf­ur Örn Bjarna­son úr Brann eru ekki vald­ir að þessu sinni en þeir voru í síðustu landsliðsverk­efn­um.

Indriði Sig­urðsson, Lyn, gaf ekki kost á sér vegna meiðsla en hann er á leið í aðgerð á öxl 

Liðið er þannig skipað:

Markverðir:

Árni Gaut­ur Ara­son, Vål­erenga

Daði Lárus­son, FH

Aðrir leik­menn:

Her­mann Hreiðars­son, Ports­mouth 

Brynj­ar Björn Gunn­ars­son, Rea­ding

Arn­ar Þór Viðars­son, Twente

Eiður Smári Guðjohnsen, Barcelona

Jó­hann­es Karl Guðjóns­son, Burnley

Kristján Örn Sig­urðsson, Brann

Grét­ar Rafn Steins­son, Alk­ma­ar

Veig­ar Páll Gunn­ars­son, Stabæk

Stefán Gísla­son, Brönd­by

Hjálm­ar Jóns­son, IFK Gauta­borg

Gunn­ar Heiðar Þor­valds­son, Vål­erenga

Emil Hall­freðsson, Regg­ina

Ármann Smári Björns­son, Brann

Ragn­ar Sig­urðsson, IFK Gauta­borg

Theó­dór Elm­ar Bjarna­son, Celtic

Sverr­ir Þór Garðars­son, FH

Eggert Gunnþór Jóns­son, Hearts

Bjarni Þór Viðars­son,  Evert­on.

• 4 blogg um frétt­ina

Bloggað um frétt­ina

• Gísli Foster Hjart­ar­son: Nokkuð spræk­ur hóp­ur
• Áddni: Hvaða, hvaða...
• Grét­ar Rögn­vars­son: Tveir Esk­firðing­ar í landsliðinu
• Sæþór Helgi Jens­son: ja góður hóp­ur