Ísland mætir Færeyjum í Kórnum
Geir Þorsteinsson og Ólafur Jóhannesson eru búnir að semja um leik við Færeyinga.
Rax
Setja bókamerki
Ísland og Færeyjar mætast í vináttulandsleik í knattspyrnu í lok mars og verður leikið í knattspyrnuhöllinni Kórnum í Kópavogi. Frá þessu var skýrt á vef færeyska knattspyrnusambandsins í dag.
Sagt er að endanleg dagsetning liggi ekki fyrir en Jógvan Martin Ólsen, landsliðsþjálfari Færeyja, kveðst mjög ánægður með þetta, sem og fyrirhugaðan leik við Lúxemborg í Færeyjum um vorið.
„Við vorum í mjög sterkum riðli í undankeppni EM og okkar menn hafa þörf fyrir að mæta liðum sem eru nær því að vera í sama styrkleika og við Færeyingar. Að því leyti eru Lúxemborg og Ísland góðir mótherjar," sagði Jógvan við vefinn.
Geir Þorsteinsson formaður KSí staðfesti við fréttavef Morgunblaðsins að samið hefði verið við Færeyinga um leikinn.
Hótar Bretum og Bandaríkjamönnum
Yfir 300 stæði fóru undir hraun
Þarf að koma til móts við ólíkar þarfir lækna
Drónamyndskeið frá hápunkti gossins í nótt
Hentugt gos fyrst gýs á annað borð
Hraun kemur úr þremur gígum: Virknin stöðug
Rússar sagðir útvega N-Kóreu milljón olíutunnur