Ráðist á knattspyrnuáhugamann

Rússneskur stuðningsmaður liðsins Zenit St. Pétursborgar var stunginn utan við knattspyrnuleikvanginn í Manchester á Englandi þar sem úrslitaleikur Evrópubikarkeppninnar fór fram í gærkvöldi milli rússneska liðsins og skoska liðsins Glasgow Rangers. Zenit vann leikinn 2:0.

Átök brutust einnig út í miðborg Manchester þegar stór skjár, þar sem leikurinn var sýndur, bilaði. Áhangendur Rangers köstuðu flöskum og dósum á lögreglumenn. 

Alls voru  42 handteknir í Manchester í gærkvöldi, þar af 5 vegna árásarinnar á Rússann, sem fluttur var á sjúkrahús en er ekki talinn vera í lífshættu. 

• 1 blogg um fréttina

Bloggað um fréttina

• Ómar Ingi: Hressir Skotar