Guðjón er ekki á leiðinni til Hearts

Gísli Gísla­son, formaður stjórn­ar rekstr­ar­fé­lags Knatt­spyrnu­fé­lags ÍA, hef­ur gefið út yf­ir­lýs­ingu vegna frétt­ar skoska blaðsins Daily Record í morg­un um að Guðjón Þórðar­son þjálf­ari ÍA væri að taka við sem knatt­spyrn­u­stjóri Hearts.

Þar vís­ar hann því á bug að Guðjón sé á leiðinni til skoska fé­lags­ins. Yf­ir­lýs­ing­in er birt á vef ÍA, www.kfia.is/​mfl, og er svo hljóðandi:

Broken Hearts

Fót­bolt­inn er marg­slung­in íþrótt og eitt og annað spjallað.  Á stund­um þarf lítið til að mý­fluga verði að úlf­alda.  Sú ágæta saga hef­ur nú fengið vængi að hinn ágæti skoski klúbb­ur, Hearts, vilji fá Guðjón Þórðar­son, þjálf­ara Skaga­manna í sín­ar raðir.  Orðróm­ur þessa efn­is var einnig líf­seig­ur í vet­ur - án þess að fyr­ir því væri nokk­ur fót­ur.  Hið sama er upp á ten­ingn­um nú - og því er ljúft og skylt að koma því á fram­færi að Guðjón Þórðar­son er EKKI á leiðinni til Hearts - og eru þeir því „broken hearts" hafi þeir á annað borð haft hug til þess að ræða við Guðjón eða Knatt­spyrnu­fé­lag ÍA. 

Ein út­gáf­an var sú að Guðjón hefði verið í Skotlandi í gær - þriðju­dag - og í viðræðum við hina skosku starfs­bræður okk­ar.  Hið sanna er að Guðjón naut þess að leika golf með Bjarna syni sín­um, Jóni Þór aðstoðarþjálf­ara og Reyni Leós­syni á Skag­an­um - og ku hafa staðið sig býsna vel að því er fregn­ir herma, enda Guðjón vax­andi golfmaður og við bestu aðstæður á Skag­an­um get­ur hann ekki annað en sýnt sín­ar bestu golf­hliðar.  Þó svo að golf sé að stofni til skosk íþrótt þá dug­ir það ekki til að tengja þessi mál sam­an - enda mun Hearts leika skosk­an fót­bolta en ekki golf.  Með öllu er ókunn­ugt um að Hearts sé á hött­un­um eft­ir golfþjálf­ara.

Að sjálf­sögðu er Knatt­spyrnu­fé­lag ÍA það mik­ill heiður að hafa í þjón­ustu sinni eft­ir­sótt­an starfs­kraft, sem eft­ir er tekið.  Það seg­ir okk­ur að vinnu­brögð hans og sjón­ar­mið séu e.t.v. eitt­hvað sem ástæða er til að horfa til og hlusta á.

Þessa dag­ana er Guðjón að und­ir­búa lið sitt fyr­ir verðugt verk­efni á sunnu­dag, en þá leika Skaga­menn gegn Val í Lands­banka­deild­inni.  Leik­ir ÍA og Vals hafa alla tíð verið mik­il skemmt­un og nú eru bæði liðin í þeirri stöðu að þurfa að hala inn stig.  Nú er mál að snúa bök­um sam­an á Skag­an­um og sækja fram og hirða þau stig sem í boði eru.  Strák­arn­ir eru klár­ir, Guðjón sinn­ir und­ir­bún­ingi sín­um að vanda og nú er það okk­ar hinna sem utan vall­ar stönd­um að leggja mál­inu lið þannig að vel fari á sunnu­dag.

Gísli Gísla­son, formaður stjórn­ar Rekstr­ar­fé­lags Knatt­spyrnu­fé­lags ÍA.

• 2 blogg um frétt­ina

Bloggað um frétt­ina

• Snorri Bergz: Lecter áfram hjá ÍA
• Þor­steinn Eg­il­son: [F]rétt eða ekki-[f]rétt