Yfirburðasigur á Grikkjum, 7:0

Ísland vann yf­ir­burðasig­ur á Grikkj­um, 7:0, í Evr­ópu­keppni kvenna í knatt­spyrnu á Laug­ar­dals­vell­in­um í dag. Ísland er þar með komið í topp­sæti 3. riðils fyr­ir síðasta leik­inn, gegn Frökk­um þann 27. sept­em­ber, sem er hreinn úr­slita­leik­ur um sæti á EM. Þar næg­ir Íslandi jafn­tefli.

Sara Björk Gunn­ars­dótt­ir kom Íslandi yfir strax á 4. mín­útu og þær Hólm­fríður Magnús­dótt­ir og Mar­grét Lára Viðars­dótt­ir bættu við mörk­um fyr­ir hlé, 3:0.

Á fyrstu 23 mín­út­um síðari hálfleiks komu síðan fjög­ur mörk til viðbót­ar. Hólm­fríður skoraði tvö þeirra og gerði því þrennu í leikn­um, Mar­grét Lára skoraði sitt annað mark og Katrín Ómars­dótt­ir, sem kom inná sem varamaður, skoraði í sín­um þriðja lands­leik í röð.

Ekk­ert mark leit dags­ins ljós síðustu 25 mín­út­urn­ar þrátt fyr­ir þunga sókn að gríska mark­inu. Íslenska liðið átti 28 mark­s­kot í leikn­um en það gríska aðeins tvö.

Nán­ar verður fjallað um leik­inn í íþrótta­blaði Morg­un­blaðsins á morg­un.

Lið Íslands: Þóra B. Helga­dótt­ir - Ásta Árna­dótt­ir, Katrín Jóns­dótt­ir, Guðrún Sól­ey Gunn­ars­dótt­ir, Ólína G. Viðars­dótt­ir - Dóra María Lár­us­dótt­ir, Edda Garðars­dótt­ir, Sara Björk Gunn­ars­dótt­ir, Dóra Stef­áns­dótt­ir, Hólm­fríður Magnús­dótt­ir - Mar­grét Lára Viðars­dótt­ir.
Vara­menn: Katrín Ómars­dótt­ir, Greta Mjöll Samú­els­dótt­ir, Embla S. Grét­ars­dótt­ir, Sif Atla­dótt­ir, Rakel Hönnu­dótt­ir, Erla Steina Arn­ar­dótt­ir, Sandra Sig­urðardótt­ir.

Lið Grikk­lands: Eka­ter­ini Falida, Kyriaki Kynosidou, Eleni Kakampouki, Maria Kavr­oei­daki, Ant­houla Ar­vanitaki, An­astasia Papa­dopou­lou, Kalomoira Kontomichi, Magdal­ini Tsoukala, Panagiota Chalkia­daki, Eir­ini Vlas­ia­dou, Maria Ada­maki.
Vara­menn: An­astasia Velli, Eftychia Michailidov, Alka­ter­ini Tsiapanou, Dimitra Lym­per­idou Velis­ari, Val­er­ia Fil­ippidou, Aristea Theodoraki, Mel­ina Kotta.

Dóra Stef­áns­dótt­ir í bar­átt­unni í leikn­um á Laug­ar­dals­velli í dag. mbl.is/​Golli

Ísland	7:0	Grikk­land	Opna lýs­ingu Loka
93. mín. Leik lokið
Sara Björk Gunnarsdóttir (4. mín.) Hólmfríður Magnúsdóttir (13. mín.) Margrét Lára Viðarsdóttir (30. mín.) Hólmfríður Magnúsdóttir (53. mín.) Hólmfríður Magnúsdóttir (56. mín.) Katrín Ómarsdóttir (66. mín.) Margrét Lára Viðarsdóttir (68. mín.) Mörk mín. 93 Leik lokið 92 Eftychia Michailidou (Grikkland) kemur inn á 92 Anastasia Papadopoulou (Grikkland) fer af velli 90 Hólmfríður Magnúsdóttir (Ísland) á skot sem er varið 88 Margrét Lára Viðarsdóttir (Ísland) á skot framhjá Margrét með skot framhjá af 20 m færi. 84 Margrét Lára Viðarsdóttir (Ísland) á skot framhjá Margrét með skot í stöng af stuttu færi eftir sendingu Dóru Maríu frá hægri. 80 Ísland fær hornspyrnu 79 Ísland fær hornspyrnu 75 Greta Mjöll Samúelsdóttir (Ísland) kemur inn á 75 Sara Björk Gunnarsdóttir (Ísland) fer af velli 72 Áhorfendur í dag eru 5.323, næstmest aðsókn á kvennalandsleik frá upphafi. 71 Hólmfríður Magnúsdóttir (Ísland) á skot sem er varið Hólmfríður fékk boltann á vítapunkti frá Margréti Láru og skaut. Markvörðurinn varði vel. 68 Margrét Lára fékk boltann á vítateigslínu, sneri af sér tvo varnarmenn og sendi hann í markhornið vinstra megin. Annað mark hennar í leiknum og 42. landsliðsmarkið í 43 leikjum. 68 MARK! Margrét Lára Viðarsdóttir (Ísland) skorar 66 Erla Steina átti sendingu inní vítateiginn á Dóru Maríu. Hún lagði boltann snyrtilega út á vítateigslínuna þar sem Katrín þrumaði honum með jörðinni í markhornið vinstra megin. Hennar þriðja mark fyrir landsliðið. 66 MARK! Katrín Ómarsdóttir (Ísland) skorar 64 Margrét Lára Viðarsdóttir (Ísland) á skot sem er varið Hörkuskot frá Margréti eftir fyrirgjöf Ástu frá hægri og markvörðurinn varði vel í markhorninu niðri, alveg við stöngina. 61 Aikaterini Tsiapanou (Grikkland) kemur inn á 61 Panagiota Chalkiadaki (Grikkland) fer af velli 59 Erla Steina Arnardóttir (Ísland) kemur inn á 59 Edda Garðarsdóttir (Ísland) fer af velli 58 Ásta Árnadóttir skemmtir áhorfendum með tveimur vel heppnuðum innköstum í röð, mep heljarstökkum. 56 Ásta Árnadóttir sendi fyrir markið frá hægri. Varnarmaður hugðist hreinsa frá í markteig en sendi boltann beint uppí loftið. Hann hoppaði einu sinni, Hólmfríður var fyrst að átta sig og skallaði hann í netið af stuttu færi. 56 MARK! Hólmfríður Magnúsdóttir (Ísland) skorar ÞRENNA! 53 Dóra María sendi boltann fyrir mark Grikkja frá hægri, Hólmfríður var á markteignum, hægra megin, og skallaði af öryggi í netið. 53 MARK! Hólmfríður Magnúsdóttir (Ísland) skorar 52 Margrét Lára Viðarsdóttir (Ísland) á skalla sem fer framhjá Margrét skallar framhjá eftir fyrirgjöf Hólmfríðar frá vinstri. 51 Katrín Ómarsdóttir (Ísland) kemur inn á 51 Dóra Stefánsdóttir (Ísland) fer af velli 46 Dóra María Lárusdóttir (Ísland) á skot sem er varið Dóra María með skot af stuttu en þröngu færi við stöngina hægra megin eftir sendingu Hólmfríðar og markvörðurinn varði örugglega. 46 Leikur hafinn Seinni hálfleikur er hafinn og sólin er horfin í bili. 45 Fyrri hálfleik er lokið og yfirburðir Íslands hafa verið miklir. Forysta Íslands er síst of stór en liðið hefur átt 17 skot á mark Grikkja, sem á móti hafa skotið tvisvar að íslenska markinu. 45 Hálfleikur 45 Ísland fær hornspyrnu 37 Aristea Theodoraki (Grikkland) kemur inn á 37 Maria Mavroeidaki (Grikkland) fer af velli 37 Hólmfríður Magnúsdóttir (Ísland) á skalla sem fer framhjá Hólmfríður með skalla rétt yfir eftir fyrirgjöf Dóru Maríu frá hægri. 35 Hólmfríður Magnúsdóttir (Ísland) á skalla sem er varinn Hólmfríður með skalla beint á markvörðinn eftir fyrirgjöf Dóru Maríu frá hægri. 31 Hólmfríður Magnúsdóttir (Ísland) á skot framhjá Hólmfríður með skemmtilega tilraun frá vítateig en lyftir boltanum rétt yfir þverslána. 30 Dóra María lék skemmtilega á grískan varnarmann og inní vítateiginn. Þar gaf hún á Margréti Láru sem lék aðeins til vinstri og lyfti svo boltanum glæsilega með vinstri fæti í markhornið fjær. 30 MARK! Margrét Lára Viðarsdóttir (Ísland) skorar 28 Hólmfríður Magnúsdóttir (Ísland) á skot framhjá Hólmfríður á skot framhjá eftir vel útfærða aukaspyrnu og sendingu Dóru Stefánsdóttur. 25 Margrét Lára Viðarsdóttir (Ísland) á skot framhjá Margrét Lára fær boltann í miðjum vítateig eftir hornspyrnuna en á skot framhjá. 25 Ísland fær hornspyrnu 24 Margrét Lára Viðarsdóttir (Ísland) á skot framhjá Margrét með skot í stöng af markteig eftir fyrirgjöf Ólínu Viðarsdóttur frá vinstri. 23 Anastasia Papadopoulou (Grikkland) á skot framhjá Fyrirliði Grikkja í skotfæri á vítateig, vinstra megin, en lyftir boltanum yfir íslenska markið. 21 Margrét Lára Viðarsdóttir (Ísland) á skot framhjá Margrét Lára með skot framhjá rétt innan vinstra vítateigshorns, eftir sendingu Hólmfríðar. 20 Sara Björk Gunnarsdóttir (Ísland) á skalla sem fer framhjá Sara skallar framhjá eftir fyrirgjöf Hólmfríðar Magnúsdóttur, sem fyrst skaut niður vinstri bakvörð Grikkja! 18 Katrín Jónsdóttir (Ísland) á skalla sem fer framhjá Katrín skallar allnokkuð framhjá eftir hornspyrnu Eddu Garðarsdóttur. 18 Ísland fær hornspyrnu Ásta Árnadóttir tekur heljarstökk í innkasti og krækir í hornspyrnu! 16 Ísland fær hornspyrnu 16 Dóra María Lárusdóttir (Ísland) á skot sem er varið Dóra María fær sendingu frá vinstri yfir á hægri og á skot frá markteigshorni sem markvörðurinn ver vel í horn. 15 Dóra Stefánsdóttir (Ísland) á skot framhjá Glæsileg sókn, Hólmfríður með flotta sendingu inní vítateiginn á Margréti Láru. Hún rennir boltanum út á vítateigslínuna á Dóru Stefánsdóttur sem á hörkuskot en rétt framhjá markvinklinum. 13 Margrét Lára fékk langa sending upp hægri kantinn, brunaði inní vítateiginn, framhjá varnarmanni og uppað markinu þar sem hún renndi boltanum út á markteiginn. Hólmfríður skoraði auðveldlega. 13 MARK! Hólmfríður Magnúsdóttir (Ísland) skorar MARK, 2:0 11 Sara Björk Gunnarsdóttir (Ísland) á skot framhjá Sara Björk kemst í gott færi í vítateignum, ein gegn markverði eftir sendingu Dóru Stefánsdóttur, en skýtur framhjá. 10 Anastasia Papadopoulou (Grikkland) á skot sem er varið Fyrirliði Grikkja með skot af 25 m færi en Þóra er ekki í vandræðum með að verja. 5 Þetta er þriðja mark Söru í 10 landsleikjum en hún er aðeins 17 ára gömul. 4 MARK! Sara Björk Gunnarsdóttir (Ísland) skorar Sara Björk kemur Íslandi yfir. Hún fékk stungusendingu frá Margréti Láru Viðarsdóttur, lék á markvörðinn og renndi boltanum í tómt markið. 1 Hólmfríður Magnúsdóttir (Ísland) á skot sem er varið Ísland fór beint í sókn og Hólmfríður Magnúsdóttir átti skot frá vítateig eftir aðeins 20 sekúndur en markvörður Grikkja varði auðveldlega. 1 Leikur hafinn Anja Kunick frá Þýskalandi hefur flautað til leiks. 0 Leikurinn er að hefjast. Íslenska liðið leikur í bláu að vanda, gríska liðið í hvítum búningum. Ísland leikur í átt að Laugum, gríska liðið í átt að Laugardalshöll. 0 Grikkir lögðu Serba á útivelli, 2:1, en hafa tapað 0:3 fyrir Íslandi, 0:6 og 0:5 fyrir Frakklandi og 1:3 fyrir Slóveníu. 0 Ísland vann fyrri leikinn gegn Grikkjum í keppninni, þann 31. maí á síðasta ári, 3:0. Það var fyrsti leikur Íslands í keppninni og þær Margrét Lára Viðarsdóttir, Ásthildur Helgadóttir og Greta Mjöll Samúelsdóttir skoruðu mörkin. 0 Frakkland er með 18 stig í riðlinum, Ísland 15, Slóvenía 9, Grikkland 3 og Serbía 3 stig. Ísland á tvo leiki eftir og Grikklandi þrjá en hin liðin einn leik hvert. Sjá meira Sjá allt Ísland: (M), . Varamenn: (M), . Grikkland: (M), . Varamenn: (M), . Skot: Grikkland 2 (1) - Ísland 27 (14) Horn: Ísland 6. Lýsandi: Völlur: Laugardalsvöllur Leikur hefst 26. júní 2008 16:30 Aðstæður: Frábærar, sól, létt gola og bestu möguleg skilyrði. Dómari: Anja Kunick, Þýskalandi Aðstoðardómarar: Moiken Jung og Marina Wozniak, Þýskalandi

• 4 blogg um frétt­ina

Bloggað um frétt­ina

• Stefán Friðrik Stef­áns­son: Stelp­urn­ar að brillera - far­seðill á EM í sjón­máli
• Sig­ur­jón Sveins­son: Við Bríet fór­um á leik­inn
• Snorri Bergz: Glæsi­legt
• Jó­hann Elías­son: Rosa­lega flott­ur leik­ur hjá stelp­un­um!