Magni hættur hjá Fjarðabyggð

Stjórn Knattspyrnufélags Fjarðabyggðar hefur ákveðið að láta Magna Fannberg Magnússon, þjálfara meistaraflokks karla, taka pokann sinn en þetta hefur fréttavefur Morgunblaðsins eftir öruggum heimildum.

Magni tók við þjálfun Fjarðabyggðar í nóvember á síðasta ári en liðið er sem stendur í áttunda sæti 1. deildar með 15 stig. Athygli vekur að uppsögnin kemur í kjölfar 2:4 útisigurs á Haukum í síðustu umferð, en fram að því hafði Fjarðabyggð ekki unnið sigur í átta leikjum í röð.

Magni er 28 ára Ísfirðingur og þjálfaði lengi yngri flokka HK en tók við starfi aðstoðarþjálfara hjá Grindavík 2006. Hann var síðan yfirþjálfari yngri flokka hjá Val í fyrra áður en hann hélt austur.

Magni stýrði sinni síðustu æfingu hjá Fjarðabyggð í dag. www.kff.is

• 1 blogg um fréttina

Bloggað um fréttina

• Gísli Foster Hjartarson: Miðað við væntingar kemur þetta ekki á óvart