Valencia vill 6 milljarða fyrir Villa

Greint var frá því fyrir skemmstu að spænska knattspyrnuliðið Valencia hefði hafnað tilboði Real Madríd upp á 5,7 milljarða í sóknarmanninn David Villa. Nú hefur varaforseti Valencia, Fernando Gomez stigið fram á sjónarsviðið og verðmerkt Villa formlega. Er verðmiðinn 6,1 milljarður íslenskra króna. „Þetta þýðir þó ekkert endilega að hann sé til sölu,“ sagði Gomez.

„Það berast engin tilboð í David Villa núna og við vonum að það verði annað hvort sem allra fyrst eða verði hreinlega aldrei. Það yrði ákaflega erfitt að sjá Villa yfirgefa Valencia. Það yrði frábært tilboð ef eitthvað félag byði um 6 milljarða. Ég væri þó samt sem áður skeptískur á að taka því boði,“ sagði Fernando Gomez.

• 1 blogg um fréttina

Bloggað um fréttina

• Gísli Foster Hjartarson: Já takk..