Zenit vann Stórbikar Evrópu
Setja bókamerki
Rússneska liðið Zenit frá St Pétursborg vann í kvöld Stórbikar Evrópu þegar liðið lagði Evrópumeistara Manchester United, 2:1, í uppgjöri sigurliða Evrópumóta félagsliða á síðustu leiktíð. Leikurinn fór fram í Mónakó og voru Rússarnir einu marki yfir í hálfleik með marki frá Pavel Pogrebniak á 44. mínútu.
Portúgalinn Miguel Danny bætti öðru marki við fyrir Zenit á 59. mínútu eftir að hafa leikið varnarmenn Manchester United grátt. Nemanja Vidic klóraði í bakkann fyrir Manchester United á 73. mínútu en lengra komust hann og félagar hans ekki. Paul Scholes var síðan rekinn af leikvelli skömmu fyrir leikslok þegar hann fékk sitt annað gula spjald í leiknum. Það fékk hann fyrir að smassa boltann eins og reyndur blakmaður í mark Zenit eftir fyrirgjöf frá Wes Brown.
Zenit er fyrsta rússneska liðið til þess að vinna Stórbikar Evrópu.
Drónamyndskeið frá hápunkti gossins í nótt
Hluti bílastæðis undir hraun: Ómögulegt að meta tjón
Börn hafi engan rétt á leikskólakennslu
Litlar líkur á að hraunið nái til mannvirkja
Yfir 300 stæði fóru undir hraun
Mæðgur dæmdar til að greiða 64 milljónir
Virknin dregist saman um 600 metra
Hótar Bretum og Bandaríkjamönnum