Íþróttir | Fótbolti | mbl | 31.8.2008 | 17:52

Tómas tryggði Fjölni sigur í blálokin

Úr leii Fjölnis og Fylkis á Laugardalsvelli sem nú stendur yfir. mbl.is / Eggert

Mark frá Tómasi Leifssyni í uppbótartíma tryggði Fjölni 4:3-sigur á Fylki í undanúrslitum VISA-bikars karla í knattspyrnu í dag. Fjölnisliðið er því komið í úrslitaleikinn annað árið í röð, aftur eftir sigur á Fylki í undanúrslitum. Fylgst var með gangi mála í beinni textalýsingu hér á mbl.is.

Fjölnismenn komust í 1:0 með marki Gunnars Más Guðmundssonar en Kjartan Ágúst Breiðdal og Þórir Hannesson komu Fylki yfir. Sjálfsmark Fylkis og mark frá Pétri Georg Markan komu hins vegar Fjölni aftur í forystu áður en flautað var til leikhlés.

Ian Jeffs jafnaði metin í seinni hálfleik en Tómas Leifsson varð hetja Fjölnis þegar hann skoraði sigurmarkið í blálokin.

Byrjunarlið Fylkis: Fjalar Þorgeirsson - Andrés Már Jóhannesson, Valur Fannar Gíslason, Þórir Hannesson, Kjartan Ágúst Breiðdal - Ingimundur Níels Óskarsson, Kristján Valdimarsson, Ian Jeffs, Peter Gravesen - Halldór Arnar Hilmisson, Kjartan Andri Baldvinsson.

Varamenn: Jóhann Þórhallsson, Allan Dyring, Hermann Aðalgeirsson, Björn Metúsalem Aðalsteinsson, Ásgeir Örn Arnþórsson, Björn Orri Hermannsson, Axel Ingi Magnússon.

Byrjunarlið Fjölnis: Þórður Ingason - Magnús Ingi Einarsson, Óli Stefán Flóventsson, Kristján Hauksson, Gunnar Valur Gunnarsson - Ágúst Gylfason, Ásgeir Aron Ásgeirsson, Gunnar Már Guðmundsson - Tómas Leifsson, Ólafur Páll Snorrason, Pétur Georg Markan.

Varamenn: Ólafur Páll Johnson, Aron Jóhannsson, Heimir Snær Guðmundsson, Davíð Þór Rúnarsson, Andri Valur Ívarsson, Kolbeinn Kristinsson, Gísli Magnús Garðarsson.

Frá leik Fjölnis og Fylkis á Íslandsmótinu í sumar. mbl.is/Árni Sæberg

Fylkir	3:4	Fjölnir	Opna lýsingu Loka
90. mín. Tómas Leifsson (Fjölnir) skorar Davíð Þór fór upp vinstra megin og gaf góða sendingu á Tómas inni í teignum. Tómas gerði frábærlega í að leggja boltann fyrir sig og koma honum í netið.
Augnablik — sæki gögn...