Guðmundur í stað Ólafs Inga

Keflvíkingurinn Guðmundur Steinarsson, markahæsti leikmaður Landsbankadeildarinnar í knattspyrnu, hefur verið valinn í íslenska landsliðshópinn fyrir leikina við Noreg og Skotland í stað Ólafs Inga Skúlasonar sem er meiddur.

Ólafur Ingi meiddist á hné í leik með Helsingborg í gær og getur því ekki tekið þátt í leikjunum, sem eru á laugardaginn gegn Noregi og gegn Skotlandi eftir rúma viku.

„Guðmundur nýtist mjög vel og getur bæði verið sóknarþenkjandi miðjumaður og sóknarmaður, og hefur staðið sig mjög vel í sumar,“ sagði Ólafur Jóhannesson landsliðsþjálfari í samtali við mbl.is.

Hópurinn er því þannig skipaður:

Markverðir:
Kjartan Sturluson, Valur
Stefán Logi Magnússon, KR

Varnarmenn:
Hermann Hreiðarsson, Portsmouth
Indriði Sigurðsson, Lyn
Kristján Örn Sigurðsson, Brann
Grétar Rafn Steinsson, Bolton
Ragnar Sigurðsson, Gautaborg
Birkir Már Sævarsson, Brann
Bjarni Ólafur Eiríksson, Valur

Miðjumenn:
Stefán Gíslason, Bröndby
Emil Hallfreðsson, Reggina
Pálmi Rafn Pálmason, Stabæk
Theódór Elmar Bjarnason, Lyn
Davíð Þór Viðarsson, FH
Aron Einar Gunnarsson, Coventry
Hólmar Örn Rúnarsson, Keflavík

Sóknarmenn:
Eiður Smári Guðjohnsen, Barcelona
Heiðar Helguson, Bolton
Gunnar Heiðar Þorvaldsson, Esbjerg
Veigar Páll Gunnarsson, Stabæk
Stefán Þór Þórðarson, ÍA
Guðmundur Steinarsson, Keflavík

• 1 blogg um fréttina

Bloggað um fréttina

• Matthias Freyr Matthiasson: Hann fór að mínum ráðum