Eiga eftir að grenja svolítið undan okkur

Norðmenn veltu sér mikið up­p­úr því þegar Veig­ar Páll Gunn­ars­son, leikmaður Stabæk og einn besti sókn­ar­maður norsku úr­vals­deild­ar­inn­ar var ekki val­inn í ís­lenska landsliðið sem lék gegn Aser­baíd­sj­an á dög­un­um. Hann er hins­veg­ar í hópn­um fyr­ir leik­inn gegn Nor­egi á Ul­leva­al í dag og bíður spennt­ur eft­ir hon­um.

"Það var ansi mikið fjallað um þetta í blöðum, bæði hér í Nor­egi og heima á Íslandi, og ég átti aldrei von á að þetta yrði svona mikið. Þetta truflaði mig þó ekki mikið og fyr­ir mig er fyrst og fremst ánægju­legt að vera kom­inn aft­ur í landsliðshóp­inn, ekki síst fyr­ir leik hér í Ósló," sagði Veig­ar Páll við mbl.is í Ósló.

Hann er ágæt­lega bjart­sýnn fyr­ir leik­inn í kvöld. "Já, Norðmenn eru með gott lið og þegar maður horf­ir yfir all­an hóp­inn má segja að breidd­in sé meiri hjá þeim en okk­ur. En þeir eru ekki svo góðir að þeir eigi að valta yfir okk­ur og mun­ur­inn á liðunum er í raun það lít­ill að ég býst við jöfn­um og spenn­andi leik. Liðið sem vill meira þegar á reyn­ir, mun fara með sig­ur af hólmi. Ég hef fulla trú á því að við get­um unnið þá.

Þeir eru með tvo rosa­lega góða fram­herja, John Carew og Thor­stein Helstad, sem báðir hafa skorað mikið af mörk­um. Þeir eru hættu­leg­ir, og síðan er vörn­in þeirra þétt og erfitt að brjóta hana upp. En ef við verðum nógu harðir, eiga þeir eft­ir að grenja svo­lítið und­an okk­ur," sagði Veig­ar Páll.

• 1 blogg um frétt­ina

Bloggað um frétt­ina

• Markús frá Djúpa­læk: Grenja úr hlátri þá?