Það var kominn tími á að skora

„Það var kominn tími á að skora úr einni aukaspyrnu, ég er búinn að vera frekur á þær í undanförnum landsleikjum og það var sætt að sjá boltann í netinu," sagði Eiður Smári Guðjohnsen við mbl.is í Ósló eftir jafnteflið, 2:2, gegn Noregi í kvöld.

Eiður skoraði þar síðara jöfnunarmark Íslands með glæsilegu skoti úr aukaspyrnu rétt utan vítateigs, 2:2, eftir að brotið var á Heiðari Helgusyni. Eiður sendi boltann laglega í hægra markhornið, alveg úti við stöng og óverjandi fyrir Rune Jarstein markvörð.

„Það skipti mestu máli að liðið sýndi mikinn karakter með því að jafna tvisvar á útivelli. Það hefur oft vantað uppá það hjá okkur en við sýndum hann svo sannarlega í kvöld. Viðbrögðin sem við sýndum í bæði skiptin sem við lentum undir voru hárrétt, við þorðum að sækja, halda boltanum og taka áhættu, og það skilaði sér," sagði Eiður Smári.

• 1 blogg um fréttina

Bloggað um fréttina

• Snorri Bergz: Tími til að skora