Hólmfríður: Stolt og ánægð

Maður leiksins í bikarúrslitaleiknum í dag var án alls efa Hólmfríður Magnúsdóttir hjá KR en hún skoraði þrennu þegar KR vann Val. 4:0, á Laugardalsvellinum. Segir hún það ekkert aðalatriði heldur hitt að liðsheildin hafi sýnt hvað í þeim býr.

„Ég er auðvitað stolt og ánægð með sigurinn og bikarinn fer mér ekkert illa í hendi heldur,“ sagði hún hlæjandi að verðlaunaafhendingu lokinni í Laugardalnum en Hólmfríður hélt jafnframt uppá 24. ára afmælið sitt í dag.

„Ég var heppin í dag og fékk mig lausa þrisvar sinnum og náði að klára þau færi í öll skiptin. En liðið allt var að skína í gegn og ekki síst markvörður okkar, hún María, sem gerði sannarlega sitt til að halda okkur yfir þegar mest á reyndi. Hún á náttúrulega að fá landsliðssæti og ekki seinna en í gær.“ 

Sjá einnig frá bikarúrslitaleiknum:

Elísabet: Versti leikur Vals í fimm ár.

KR með bikarinn á loft í Laugardalnum.

Helena: Besta kveðjugjöfin.

Bein textalýsing mbl.is frá leiknum.

• 1 blogg um fréttina

Bloggað um fréttina

• Magnús Geir Guðmundsson: Og hún má líka aldeilis vera það!