Jafnréttisverðlaun KSÍ afhent í fyrsta sinn

 Jafnréttisverðlaun Knattspyrnusambands Íslands, KSÍ, voru afhent í fyrsta sinn í morgun á ársþingi KSÍ sem nú stendur yfir í höfuðstöðvum sambandsins í Laugardal. Verðlaunin komu í hlut Knattspyrnudeildar ÍR fyrir verkefni þeirra „Innan vallar sem utan“ og Víðis Sigurðssonar, blaðamanns á Morgunblaðinu, fyrir skrásetningu sögu íslenskrar knattspyrnu.

Knattspyrnudeild ÍR hefur lagt mikinn metnað í það að ná til innflytjenda og létu gera rannsókn á þátttöku innflytjenda í íþróttum. Hægt er að nálgast almennar upplýsingar á heimasíðu ÍR á sex tungumálum.

Víðir Sigurðsson, blaðamaður, hefur að mati KSÍ verið fremstur í flokki í skrásetningu íslenskrar knattspyrnu í mörg ár.  Hann hefur jafnan lagt áherslu á að skrifa jafnt um konur og karla á öllum aldri.

Það var formaður KSÍ, Geir Þorsteinsson, sem afhenti viðurkenningarnar.

Víðir Sigurðsson, t.v. ásamt Geir Þorsteinssyni, formanni KSÍ. Golli / Kjartan Þorbjörnsson

• 1 blogg um fréttina

Bloggað um fréttina

• Þráinn Árni Baldvinsson: Skrásetning ...