Hætti sem þjálfari eftir tíu mínútur í starfi

Gamla kemp­an Abel Bal­bo, sem lengst af lék knatt­spyrnu með Roma á Ítal­íu, ent­ist ekki lengi í starfi sínu sem þjálf­ari Treviso. Al­kunna er að ört sé skipt um þjálf­ara í knatt­spyrn­unni, en Bal­bo hlýt­ur að eiga metið, því hann sagði upp eft­ir tíu mín­út­ur í starfi.

Bal­bo var út­nefnd­ur þjálf­ari Treviso á þriðju­dag og ætlaði að stjórna sinni fyrstu æf­ingu sama dag. Hins­veg­ar mætti eng­inn leikmaður á æf­ing­una, sem rakið var til þess að leik­menn­irn­ir væru ósátt­ir við brottrekst­ur Luca Gotti, fyrr­um þjálf­ara liðsins.

„Ég var þjálf­ari liðsins í aðeins nokkr­ar mín­út­ur. Ég tók slæma ákvörðun og finnst ég hafa verið gerður að fífli. Það orðspor sem ég hef reynt að byggja upp á öll­um mín­um ferli er nú í hættu,“ sagði Bal­bo.

„Bal­bo er fagmaður sem hefði getað gert frá­bæra hluti með Treviso. Hann er á för­um vegna þess að for­send­urn­ar til að skila ár­angri eru ekki leng­ur til staðar,“ sagði Giu­seppe Cann­ella, yf­ir­maður íþrótta­mála fé­lags­ins.

Fyr­irliði Treviso, Riccar­do Gissi, neitaði því að fjar­vera leik­mann­ana hefði eitt­hvað að gera með mót­mæli.

„Við gát­um ekki æft á þriðju­dag því læknaliðið var ekki til staðar. En við mætt­um á miðviku­dag­inn.“

Treviso er í neðsta sæti Serie B deild­ar­inn­ar og virðist ekki lík­legt til að halda sér uppi.

Abel Bal­bo var í landsliði Arg­entínu á Hm ´90, ´94, og ´98 og gerði yfir 180 mörk á ferl­in­um, flest fyr­ir Udinese og Roma.

• 1 blogg um frétt­ina

Bloggað um frétt­ina

• Gísli Foster Hjart­ar­son: Fáum hann í bank­ann okk­ar!!!!